ممبئی کا راجستھان کو 126 رنز کا ہدف - MI vs RR

ٹاس جیت پہلے گیندبازی کرتے ہوئے راجستھان نے ممبئی کو مقررہ 20 اوورز میں نو وکٹ کھو کر محض 125 رنز پر ہی روک دیا۔ ممبئی کی جانب سے تلک ورما 32 اور کپتان ہاردک نے 34 رنز بنا کر سب سے نمایاں رہے، جبکہ راجستھان کی طرف سے بولٹ اور چہل نے تین تین وکٹ حاصل کیے۔

ممبئی: انڈین پریمیئر لیگ 2024 کا 14 واں میچ ممبئی انڈینز اور راجستھان رائلز کے درمیان ممبئی کے وانکھیڑے اسٹیڈیم میں کھیلا جا رہا ہے۔ یہ ممبئی انڈینز کا پہلا ہوم میچ ہے اور اس میچ کو جیت کر ایم آئی اپنی جیت کا کھاتہ کھولنا چاہے گی۔ ممبئی اب تک کھیلے گئے اپنے 2 میچوں میں شکست کا سامنا کرنا پڑا ہے۔

وہیں دوسری جانب راجستھان کی ٹیم یہ میچ جیت کر جیت کی ہیٹ ٹرک کرنا چاہے گی۔ وہ اس سیزن میں اب تک کھیلے گئے 2 میچ جیت چکے ہیں۔ ممبئی اور راجستھان کے درمیان اب تک کل 28 میچ کھیلے جا چکے ہیں، جس میں ممبئی نے 15 میچ جیتے ہیں جبکہ راجستھان نے 12 میچ میں جیت حاصل کی ہے جبکہ ایک میچ بے نتیجہ رہا۔ اب اس میچ میں راجستھان کے پاس اپنے اعداد و شمار کو مزید بہتر کرنے کا موقع ملے گا۔

ٹاس جیتنے کے بعد راجستھان کے کپتان سنجو سیمسن نے کہا کہ ہم پہلے بولنگ کرنا چاہتے ہیں کیونکہ وکٹ تازہ لگ رہی ہے اور یہاں سیزن کا پہلا میچ ہے جس سے ہمیں امید ہے کہ فاسٹ بولرز کو پچ سے مدد ملے گی۔

جبکہ ایم آئی کے کپتان ہاردک پانڈیا نے کہا کہ ہم بھی پہلے بولنگ کرنے کا ارادہ رکھتے تھے۔ اس گیم کا حصہ بننا کافی پرجوش ہے۔ کرکٹ کا ایک برانڈ کھیلنے کے منتظر ہیں جس سے ہر کوئی لطف اندوز ہوتا ہے۔ ہم اپنی ٹیم میں کوئی تبدیلی نہیں کی ہے۔

ممبئی انڈینز (پلیئنگ الیون): ایشان کشن (وکٹ کیپر)، روہت شرما، نمن دھیر، تلک ورما، ہاردک پانڈیا (کپتان)، ٹم ڈیوڈ، جیرالڈ کوٹزی، پیوش چاولہ، آکاش مدھوال، جسپریت بمراہ، کوینا مافکا

راجستھان رائلز (پلیئنگ الیون): یشسوی جیسوال، جوس بٹلر، سنجو سیمسن (وکٹ کیپر/کپتان)، ریان پیراگ، دھرو جریل، شمرون ہیٹمائر، روی چندرن اشون، ٹرینٹ بولٹ، اویش خان، ناندرے برگر، یوزویندر چہل