لکھنو نے ممبئی کو پہلے بیٹنگ کرنے دعوت دی - LSG VS MI

لکھنو کے بھارت رتن اٹل بہاری واچپائی اسٹیڈیم میں کھیلے جارہے آئی پی ایل کے 48 ویں میچ میں میزبان لکھنو سپرجائنٹس نے ٹاس جیت کر ممبئی انڈینز کو پہلے بیٹنگ کرنے کی دعوت دی۔ایل ایس جی کی ٹیم نے کونٹن ڈی کوک کو آج کے میچ کے لئے آرام کرنے کا موقع دیا ہے۔

لکھنو:لکھنو میں کھیلے جانے والے آئی پی ایل کے48 ویں میچ میں لکھنو سپرجائنٹس اور ممبئی انڈنیز کی ٹیمیں آمنے سامنے ہوں گی۔دونوں ٹیمیں اپنے آخری میچ میں ملی شکست کو بھول کر جیت کی راہ پر واپس لوٹنا چاہیں گی۔

رواں آئی پی ایل میں لکھنؤ نے اب تک کل 9 میچ کھیلے ہیں جس میں اسے پانچ میں جیت ملی جبکہ چار میں شکست کاسامنا کرنا پڑا ہے۔اس وقت ایل ایس جی کے کل 10 پوائنٹس ہیں اور پوائنٹس ٹیبل میں پانچویں پوزیشن پر ہے۔ دوسری طرف ممبئی کی بات کریں تو اس نے اب تک 9 میچ کھیلے ہیں۔ ممبئی انڈنیز کو 6 میچوں میں شکست کا سامنا کرنا پڑا ہے جبکہ اس نے کل 3 میچ جیتے ہیں۔

لکھنؤ اور ممبئی کے درمیان اب تک کل 4 میچ کھیلے جا چکے ہیں۔ممبئی کی ٹیم ایل ایس جی کے سامنے مکمل طور پر کمتر نظر آئی ہے۔ لکھنؤ نے 3 میچ جیتے ہیں جبکہ ممبئی کی ٹیم کو صرف ایک میچ میں جیت ملی ہے۔ ایل ایس جی کا ممبئی کے خلاف سب سے بڑا اسکور 199 رنز ہے۔ممبئی کا سب سے زیادہ اسکور 182 رنز ہے۔

لکھنؤ کی طاقت اور کمزوریاں

لکھنؤ سپر جائنٹس کی طاقت ان کی مضبوط بیٹنگ لائن اپ ہے۔ ٹیم کے پاس کے ایل راہل، کوئنٹن ڈی کاک، نکول پورن اور مارکس اسٹونیس کی شکل میں طوفانی بلے بازوں کی فوج ہے۔ اس ٹیم کی کمزوری بالنگ ہے۔ فاسٹ بالر میانک یادو کے زخمی ہونے سے ٹیم کو بڑا دھچکا لگا ہے۔ ٹیم کے اسپن گیند باز روی اشون بھی اس سیزن میں گیند کے ساتھ کچھ خاص نہیں کر پائے ہیں۔

ممبئی کی طاقتیں اور کمزوریاں

ممبئی انڈینز کی طاقت ان کی بہترین بلے بازی اور دھماکہ خیز آل راؤنڈر کارکردگی سمجھی جاتی ہے۔ ٹیم کے پاس روہت شرما، ایشان کشن، سوریہ کمار یادیو اور ٹم ڈیوڈ کی شکل میں دھماکہ خیز بلے باز موجود ہیں۔ یہ ٹیم ہاردک پانڈیا، روماریو شیفرڈ، محمد نبی کی شکل میں اچھے آل راؤنڈرز سے بھری ہوئی ہے۔ اس ٹیم کی تیز گیند بازی تھوڑی کمزور نہیں ہے کیونکہ جسپریت بمراہ کے علاوہ دیگر گیند باز بہت مہنگے ثابت ہو رہے ہیں۔