نئی دہلی: بھارت اور جنوبی افریقہ کی خواتین کرکٹ ٹیموں کے درمیان ٹی ٹوئنٹی سیریز کھیلی جا رہی ہے۔ اس سیریز کے آخری میچ میں بھارتی ٹیم نے شاندار کارکردگی کا مظاہرہ کرتے ہوئے افریقہ کو بری طرح شکست دی۔ اس میچ کے ساتھ ہی یہ سیریز 1-1 کی برابری پر ختم ہوئی کیونکہ دوسرا میچ ایک بھی گیند ڈالے بغیر منسوخ کر دیا گیا تھا۔
تیسرے ٹی ٹوئنٹی میچ میں بھارت نے پہلے بیٹنگ کرتے ہوئے افریقہ کو 84 رنز تک محدود کر دیا۔ اس دوران بھارتی گیندبازوں نے شاندار کارکردگی کا مظاہرہ کیا اور افریقہ کی بیٹنگ ان کے سامنے نہ ٹھہر سکی، بھارت کی جانب سے پوجا وستراکر نے 3.1 اوورز میں 13 رنز دے کر 4 وکٹیں حاصل کیں۔ اس کے علاوہ رادھا یادو نے 3 اوور میں 6 رن دے کر 3 وکٹیں حاصل کیں۔ اروندھتی ریڈی، شریانکا پاٹل، دیپتی شرما نے ایک ایک وکٹ حاصل کی۔
افریقہ کی بیٹنگ کی بات کریں تو صرف 3 بلے باز ہی دہائی کو چھو سکے اور 3 بلے باز 0 کے اسکور پر آؤٹ ہوئے۔ 10 میں سے 3 بلے باز 10 رنز سے کم اسکور پر پویلین لوٹ گئے۔ افریقہ کی جانب سے تاجمین برٹس نے سب سے زیادہ 20 رنز بنائے۔ اس میچ میں افریقہ کی بلے بازوں کو آؤٹ کرنے والی پوجا وستراکر کو میچ کا بہترین کھلاڑی منتخب کیا گیا۔ اس جیت کے ساتھ ہی بھارت نے سیریز میں اپنا دبدبہ قائم کر لیا ہے۔ اس سے قبل اس نے ون ڈے سیریز 3-0 سے اور واحد ٹیسٹ میچ 10 وکٹوں سے جیت کر ملٹی فارمیٹ سیریز اپنے نام کی تھی۔
بھارت کی بیٹنگ پرفارمنس کی بات کریں تو بھارتی ٹیم نے 84 رنز کے ہدف کا تعاقب کرتے ہوئے 10.5 اوورز میں اسکور حاصل کرلیا۔ ساتھ ہی بھارت کی جانب سے اسمرتی مندھانا نے 40 گیندوں میں 54 اور شیفالی ورما نے 25 گیندوں میں 27 رنز کی اننگز کھیلی۔
یہ بھی پڑھیں:
