لوکا ناردی نے انڈین ویلز اوپن میں نوواک جوکووچ کو شکست دی

Novak Djokovic Crushes Out انڈین ویلز اوپن میں اٹلی کے ایک غیر معروف کھلاڑی لوکا ناردی نے سربیا کے ٹینس اسٹار نوواک جوکووچ کے خلاف تاریخی فتح درج کی ہے۔اس شکست کے بعد نووک جوکووچ کو ٹورنامنٹ سے باہر کا راستہ دکھنا پڑا۔

کیلیفورنیا: اطالوی ٹینس کھلاڑی لوکا ناردی نے منگل کو انڈین ویلز اوپن میں سربیا کے ٹینس اسٹار نوواک جوکووچ کے خلاف تاریخی فتح درج کی ہے۔ اس شکست کے ساتھ جوکووچ ٹورنامنٹ سے باہر ہو گئے ہیں۔

آج یہاں کھیلے گئے میچ میں اطالوی ٹینس کھلاڑی ناردی نے عالمی نمبر ایک کھلاڑی جوکووچ کو 6-4، 3-6، 6-3 سے شکست دے کر اپنے کیریئر کی سب سے بڑی جیت درج کی۔

ناردی نے پہلی گیم 6-4 سے جیت کر اچھی شروعات کی۔ جوکووچ نے واپسی کرتے ہوئے ناردی کو دوسرے گیم میں 3-6 سے شکست دی۔ اس کے بعد تیسرے اور فیصلہ کن گیم میں اٹلی کے ناردی نے جوکووچ کو 6-3 سے شکست دے کر میچ جیت لیا۔

ناردی نے نوواک جوکووچ پر سنسنی خیز جیت درج کرنے کے بعد کہاکہ مجھے لگتا ہے کہ اس رات سے پہلے مجھے کوئی نہیں جانتا تھا۔مجھے امید ہے کہ ناظرین نے اس کھیل سے لطف لیا ہوگا ۔ میں اس سے بہت خوش ہوں۔

انہوں نے کہاکہ میں نہیں جانتا کہ مجھ میں ہمت کہاں سے آئی۔ میرے خیال میں یہ ایک معجزہ ہے۔ "میں ایک 20 سال کا لڑکا ہوں، میں نوواک جوکووچ کو ہرانے والا دنیا کا 100 واں کھلاڑی ہوں، یہی جنون ہے۔

یو این آئی