بھارت نے بنگلہ دیش کو 6 وکٹوں سے شکست دے کر جیت کے ساتھ آغاز کیا

بھارت کی جانب سے محمد شامی نے 5 جبکہ ہرشیت رانا نے 3 اور اکشر پٹیل نے 2 وکٹیں حاصل کیں۔

دبئی:بھارت نے چیمپئنز ٹرافی 2025 ٹورنامنٹ کا آغاز بنگلہ دیش کو 6 وکٹوں سے شکست دے کر جیت کے ساتھ کیا ہے۔ بھارت کی جانب سے شبمن گل نے سنچری اسکور کی۔

بھارت نے چیمپئنز ٹرافی 2025 کے اپنے پہلے میچ میں بنگلہ دیش کو 6 وکٹوں سے شکست دے دی۔ اس میچ میں بنگلہ دیش نے پہلے بیٹنگ کرتے ہوئے اسکور بورڈ پر 228 رنز بنائے۔ جواب میں بھارتی ٹیم نے 21 گیندیں باقی رہتے 6 وکٹوں سے میچ جیت لیا۔ ٹیم انڈیا کی جیت کے سب سے بڑے ہیرو محمد شامی رہے۔ انہوں نے بنگلہ دیش کے 5 بلے بازوں کو آؤٹ کیا تھا۔ شبمن گل نے 101 رنز کی ناقابل شکست اننگز کھیلی۔

دبئی کرکٹ اسٹیڈیم میں کھیلے گئے اس میچ میں بنگلہ دیش نے ٹاس جیت کر پہلے بیٹنگ کا فیصلہ کیا۔ یہ ایک تباہ کن آغاز ثابت ہوا کیونکہ بنگلہ دیش کی آدھی ٹیم 35 کے اسکور کے ساتھ آؤٹ ہو چکی تھی۔ توحید ہردوئے اور ذاکر علی نے 154 رنز کی شراکت داری کرکے بنگلہ دیش کو مشکلات سے نجات دلائی۔ ہردوئے نے 100 رنز بنائے جبکہ علی نے 68 رنز کی اہم شراکت کی۔ بھارت کی جانب سے محمد شامی نے 5 جبکہ ہرشیت رانا نے 3 اور اکشر پٹیل نے 2 وکٹیں حاصل کیں۔ پٹیل اس میچ میں ہیٹ ٹرک لینے سے بھی محروم رہے کیونکہ روہت شرما نے کیچ چھوڑ دیا۔

شبمن گل نے اپنے ون ڈے کیریئر کی 8ویں سنچری اسکور کی ہے۔ گل نے بنگلہ دیش کے خلاف 101 رنز کی ناقابل شکست سنچری کھیلی۔ اس اننگز میں انہوں نے 9 چوکے اور 2 چھکے بھی لگائے۔ یہ ون ڈے میچوں میں گل کی لگاتار دوسری سنچری ہے۔

روہت شرما نے اس میچ میں 41 رنز بنائے، اس دوران انہوں نے اپنے ون ڈے کیریئر کے 11 ہزار رنز بھی مکمل کر لیے۔

محمد شامی نے بھی ایک ریکارڈ بنایا ہے

محمد شامی نے اپنے کیریئر کے پہلے چیمپئنز ٹرافی میچ میں 5 وکٹیں حاصل کیں۔ اس کے ساتھ انہوں نے آئی سی سی ٹورنامنٹس (چیمپیئنز ٹرافی اور ون ڈے ورلڈ کپ) میں کل 60 وکٹیں حاصل کیں۔ اب شامی دونوں ٹورنامنٹس میں سب سے زیادہ وکٹیں لینے والے بولر بن گئے ہیں۔ انہوں نے ظہیر خان کا 59 وکٹوں کا ریکارڈ توڑ دیا ہے۔