پیرس(فرانس): ہندوستانی مردوں کی ہاکی ٹیم نے پیرس اولمپکس 2024 کے اپنے دوسرے گروپ مرحلے کے میچ میں شاندار کارکردگی کا مظاہرہ کیا ہے۔ ہرمن پریت سنگھ کی قیادت میں ہندوستانی ٹیم نے پیر کو ایک سخت مقابلے میں ارجنٹائن کے ساتھ 1-1 سے ڈرا کھیلا۔
ارجنٹائناکی جانب سے واحد گول لوکاس مارٹنیز (22ویں منٹ) نے کیا۔ اسی دوران میچ ختم ہونے سے صرف 1 منٹ قبل ہندوستانی کپتان ہرمن پریت سنگھ نے پنالٹی کارنر کو گول میں تبدیل کرکے اسکور 1-1 سے برابر کردیا۔
ارجنٹائن کے خلاف میچ میں ہندوستان شکست کی طرف بڑھ رہا تھا۔ چوتھے کوارٹر کے اختتام پر ارجنٹائن کو 1-0 کی برتری حاصل تھی۔ لیکن، 59ویں منٹ میں ہندوستان کو ملنے والا پینلٹی کارنر امید کی کرن لے کر آیا۔
ہندوستانی کپتان ہرمن پریت سنگھ نے یہاں کوئی غلطی نہیں کی اور گیند کو گول پوسٹ میں ڈال کر اسکور کو 1-1 سے برابر کردیا۔ اس ڈرا کے ساتھ ہندوستان پول بی میں تیسری پوزیشن پر برقرار ہے۔
ہندوستان نے میچ کا آغاز حملہ سے کیا۔ پہلے کوارٹر میں دونوں ٹیموں کو گول کرنے کے کئی مواقع ملے۔ تاہم دونوں ٹیمیں گول کرنے میں ناکام رہیں۔ جس کے نتیجے میں پہلا کوارٹر بغیر گول کے برابر رہا۔
دوسرے کوارٹر میں ہندوستانی کھلاڑیوں نے کئی شاندار مواقع پیدا کیے لیکن گول نہیں کر سکے۔ اس کے بعد 22ویں منٹ میں لوکاس مارٹینیز کے شاندار گول کی بدولت ارجنٹائن نے ہاف ٹائم میں ہندوستان پر 1-0 کی برتری حاصل کر لی۔
یہ بھی پڑھیں:رمیتا جندال کا خواب چکناچور، منو بھاکر اور سربجوت کی جوڑی سے بھارت کو پھر میڈل کی امید
ہندوستان نے میچ کے تیسرے کوارٹر میں حملہ شروع کیا۔ ہندوستان کے سکھجیت نے 33ویں منٹ میں شاندار شاٹ لگایا۔ لیکن ارجنٹائنا کے گول کیپر نے شاندار بچاؤ کیا۔ ہندوستانی کھلاڑیوں نے تیسرے کوارٹر میں کئی جوابی حملے کیے لیکن وہ ارجنٹائنا کے دفاع کو گھسنے میں ناکام رہے۔ ارجنٹائنا کو 38ویں منٹ میں ایک بار پھر پنالٹی اسٹروک ملا جسے وہ گول میں تبدیل کرنے میں ناکام رہے۔
