تلک ورما کی طوفانی سنچری سےٹیم انڈیاکی جیت، سیریز میں دو ایک سے برتری

ٹیم انڈیا نے تیسرے ٹی ٹوئنٹی میں جنوبی افریقہ کو 11 رنز سے شکست دی۔ سیریز میں 2-1 کی برتری حاصل کر لی ہے۔

سنچورین، جنوبی افریقہ: ٹیم انڈیا نے سنچورین کے سپر اسپورٹ پارک میں کھیلے گئے تیسرے بین الاقوامی ٹی ٹوئنٹی میچ میں جنوبی افریقہ کو 11 رنز سے شکست دے کر چار میچوں کی ٹی ٹوئنٹی سیریز میں 2-1 کی برتری حاصل کر لی ہے۔

ٹیم انڈیا نے تیسرے ٹی ٹوئنٹی میں افریقہ کو 11 رنز سے شکست دی:

بھارت نے پہلے بلے بازی کرتے ہوئے مقررہ 20 اوورز میں چھ وکٹوں کے نقصان پر 219 رنز بنائے۔ اس کے بعد 220 رنز کے بڑے ہدف کا تعاقب کرتے ہوئے افریقی ٹیم مقررہ 20 اوورز میں صرف 208 رنز ہی بنا سکی اور 11 رنز سے میچ ہار گئی۔ مارکو جانسن افریقہ کے لیے ٹاپ اسکورر تھے جنہوں نے 16 گیندوں میں نصف سنچری بنائی جو کہ ٹی ٹوئنٹی میں افریقہ کے لیے دوسری تیز ترین نصف سنچری ہے۔ جانسن نے 17 گیندوں میں 54 رنز بنائے لیکن اپنی ٹیم کو فتح سے ہمکنار کرنے میں ناکام رہے۔

ارشدیپ سنگھ کا چلا جادو:

جانسن کے علاوہ ہینرک کلاسن نے بھی 22 گیندوں پر 41 رنز کی اننگز کھیلی۔ جبکہ کپتان ایڈن مارکرم نے اس میں 29 رنز کا حصہ ڈالا۔ دوسری جانب ٹیم انڈیا کی جانب سے تیز گیند باز ارشدیپ سنگھ نے سب سے زیادہ 3 وکٹیں حاصل کیں۔ اس کارکردگی کے ساتھ وہ ٹی ٹوئنٹی میں ہندوستان کے لیے سب سے زیادہ وکٹیں لینے والے دوسرے گیند باز بن گئے ہیں۔ ارشدیپ نے 59 میچوں میں 92 وکٹیں حاصل کیے ہیں۔ انہوں نے بھونیشور کمار (89) اور جسپریت بمراہ (89) کو پیچھے چھوڑ دیا ہے۔ وہ اب صرف یوجویندر چہل (96) سے پیچھے ہیں، جو اس وقت ٹی ٹوئنٹی میں ٹیم انڈیا کے لیے سب سے زیادہ وکٹیں حاصل کرنے والے گیند باز ہیں۔

اس میچ میں افریقی کپتان ایڈن مارکرم نے ٹاس جیت کر بھارتی کپتان سوریہ کمار یادو کی ٹیم کو پہلے بیٹنگ کی دعوت دی۔ بھارت کی جانب سے سنجو سیمسن اور ابھیشیک شرما اننگز کا آغاز کرنے آئے۔ ٹیم انڈیا کی شروعات بہت خراب رہی اور میچ کی دوسری ہی گیند پر مارکو جانسن نے سنجو کو صفر کے اسکور پر کلین بولڈ کردیا۔ اس کے بعد تلک ورما اور ابھیشیک ورما نے دوسری وکٹ کے لیے سنچری پارٹنرشپ کی اور اسکور کو 107 تک لے گئے۔ ابھیشیک شرما نے اپنے ٹی ٹوئنٹی انٹرنیشنل کیریئر کی پہلی نصف سنچری بنائی۔

ابھیشیک شرما نے اپنے ٹی ٹوئنٹی کیریئر کی پہلی نصف سنچری بنائی:

بائیں ہاتھ کے بلے باز ابھیشیک شرما نے 25 گیندوں کا سامنا کرتے ہوئے 200 کے دھماکہ خیز اسٹرائیک ریٹ پر 3 چوکوں اور 5 چھکوں کی مدد سے 50 رنز کی شاندار اننگز کھیلی۔ کیشو مہاراج نے انہیں ہینرک کلاسن کے ہاتھوں اسٹمپڈ کروایا۔ اس کے بعد کپتان سوریہ کمار یادیو 1 رن بنا کر پویلین لوٹ گئے۔ ہاردک پانڈیا بھی کچھ کمال نہ دکھا سکے اور مہاراج 18 رنز بنانے کے بعد دوسرا شکار بنے۔ بھارت کی جانب سے رنکو سنگھ نے 8 رنز بنائے۔

تلک ورما نے اپنی پہلی ٹی ٹوئنٹی سنچری بنائی:

ٹیم انڈیا کے لیے تلک ورما نے سب سے زیادہ رنز بنائے۔ انہوں نے دھماکہ خیز سنچری اسکور کی، یہ ان کے ٹی ٹوئنٹی انٹرنیشنل کیریئر کی پہلی سنچری ہے۔ تلک نے 196 کے اسٹرائیک ریٹ سے 51 گیندوں میں 8 چوکوں اور 6 چھکوں کی مدد سے اپنی سنچری مکمل کی۔ تلک نے ٹیم کے لیے 56 گیندوں میں 8 چوکوں اور 7 چھکوں کی مدد سے 107 رنز کی ناقابل شکست اننگز کھیلی۔ اس شاندار اننگز کے لیے تلک کو پلیئر آف دی میچ کا ایوارڈ دیا گیا۔

اس میچ میں بھارت کے لیے اپنے بین الاقوامی کیریئر کا آغاز کرنے والے رمندیپ سنگھ 5 گیندوں میں 1 چوکے اور 1 چھکے کی مدد سے 14 رنز بنانے کے بعد رن آؤٹ ہوئے۔ جبکہ اکشر پٹیل اننگز کی آخری گیند پر 1 رن کے ساتھ ناٹ آؤٹ رہے۔ بلے بازوں کی اس شاندار کارکردگی کی بدولت ٹیم انڈیا نے 20 اوورز میں 6 وکٹوں کے نقصان پر 219 رنز بنائے۔