نئی دہلی:ایوارڈ تقریب میں کل 7.56 کروڑ روپے کے انعامات دئیے جائیں گے۔ تقریب میں سال 2023 کے دوران ہندوستانی ہاکی میں نمایاں تعاون دینے والی شخصیات کو اعزاز سے نوازا جائے گا۔ آٹھ کیٹیگریز میں ان ایوارڈز کے لیے کل 32 افراد کے ناموں کا انتخاب کیا گیا ہے۔
ہاکی انڈیا کے سالانہ ایوارڈز 2023 کے لیے نامزد افراد حسب ذیل ہیں:- سال کے بہترین گول کیپرکے لئے ہاکی انڈیا بلجیت سنگھ ایوارڈ موہت ایچ ایس، پی آر سریجیش، سویتا اور کرشنا بہادر پاٹھک ہرایک کو 5 لاکھ روپے کا ایوارڈ دیا جائے گا۔
ڈیفنڈرکے لئے ہاکی انڈیا پرگٹ سنگھ ایوارڈ کے لئے ڈیپ گریس ایکا، امیت روہیداس، ہرمن پریت سنگھ اور ادیتا ہر ایک کو 5 لاکھ روپے کا انعام دیا جائے گا۔
مڈ فیلڈرز کے لئے ہاکی انڈیا اجیت پال سنگھ ایوارڈ کے تحت سلیمہ ٹیٹے، ہاردک سنگھ، منپریت سنگھ اور نونیت کور کو 5-5 لاکھ روپے کا ایوارڈ دیا جائے گا۔
فارورڈ آف دی ایئر کے لئے ہاکی انڈیا دھنراج پلے ایوارڈ تحت وندنا کٹاریا، ابھیشیک، سکھجیت سنگھ اور مندیپ سنگھ ہرایک کو 5 لاکھ روپے کے ایوارڈ سے نوازا جائے گا۔
ہاکی انڈیا اسونتا لاکرا سال کے آئندہ کھلاڑی کا ایوارڈ (خواتین - 21 سال سے کم) ویشنوی وٹھل پھالکے، دیپیکا، دیپیکا سورینگ اور سنیلیتا ٹوپو ہریک کو 10 لاکھ روپے کا انعام دیا جائے گا۔