حیدرآباد: بھارتی خواتین کرکٹ ٹیم کی کپتان ہرمن پریت کور کو آسٹریلیا کی خواتین بگ بیش لیگ 2024 میں کوئی خریدار نہیں ملا ہے۔ اس لیے اب وہ ویمنز بش باش لیگ میں کھیلتی ہوئی نظر نہیں آئیں گی۔ اس سے پہلے ہرمن پریت بگ بیش لیگ میں میلبورن رینیگیڈس کی جانب سے کھیتی تھیں۔
اس کے علاوہ آسٹریلیا کے کرکٹ لیگ میں 6 بھارتی کھلاڑیوں کا انتخاب کیا گیا ہے جن میں اسمرتی مندھانا، دیپتی شرما اور جمائمہ روڈریگز جیسے بڑے نام شامل ہیں۔ ہرمن پریت کو ان کی پرانی ٹیم میلبورن رینیگیڈس نے بھی نہ خرید کر سب کو حیران کردیا۔ اس کے علاوہ کسی دوسری ٹیم نے بھی ہرمن پریت کور کو نہیں خریدا۔
بھارتی ٹیم کی اوپننگ بلے باز اسمرتی مندھانا کو ایڈیلیڈ اسٹرائیکرز نے خریدا، اس کے بعد میلبورن اسٹارز نے ڈرافٹ میں دیپتی شرما اور یاستیکا بھاٹیا کو خریدا جبکہ برسبین ہیٹ نے شیکھا پانڈے اور جمائمہ روڈریگس کو اپنی ٹیم میں کیا۔ پرتھ اسکارچرس نے ڈرافٹ سے دیالن ہیملتا کو خریدا۔ جس کے ساتھ اب ویمنز بگ بیش لیگ 2024 میں کل 6 بھارتی کھلاڑی کھیلتی ہوئی نظر آئیں گی۔