کابل: افغانستان کرکٹ بورڈ (اے سی بی) نے بدھ کے روز بھارت کے سابق فیلڈنگ کوچ رام کرشنن سریدھر کو نیوزی لینڈ کے خلاف آئندہ واحد ٹیسٹ میچ اور جنوبی افریقہ کے خلاف تین ایک روزہ میچوں کی سیریز کے لیے قومی کرکٹ ٹیم کا معان کوچ مقرر کیا ہے۔
واضح رہے کہ افغان ٹیم کے ہیڈ کوچ انگلینڈ کرکٹ ٹیم کے سابق کرکٹر جوناتھن ٹراٹ ہیں لیکن اب سریدھر افغان ٹیم میں ٹراٹ کے معان کوچ کے کردار میں نظر آئیں گے۔ افغانستان کرکٹ بورڈ کے اعلامیے میں کہا گیا ہے کہ 'افغانستان کرکٹ بورڈ نے ہندوستانی رام کرشنن سریدھر کو نیوزی لینڈ کے خلاف آئندہ واحد ٹیسٹ میچ اور جنوبی افریقہ کے خلاف 3 میچوں کی ون ڈے سیریز کے لیے قومی ٹیم کا اسسٹنٹ کوچ مقرر کیا ہے۔
سریدھر سات سال تک ٹیم انڈیا کے فیلڈنگ کوچ رہے
سریدھر نے اگست 2014 سے نومبر 2021 تک 7 سال سے زائد عرصے تک بھارت کے فیلڈنگ کوچ کے طور پر خدمات انجام دیں۔ بھارت ڈومیسٹک سرکٹ میں 35 فرسٹ کلاس اور 15 لسٹ اے میچ کھیل چکے ہیں۔ سریدھر 300 سے زیادہ بین الاقوامی میچوں میں بھارت کے کوچنگ اسٹاف کے اہم ارکان میں سے ایک تھے۔