پلوامہ؛عام آدمی پارٹی کے ریاستی ترجمان مدثر حسن نے کہا کہ محدود وسائل اور کم وقت کے ساتھ عام آدمی پارٹی کے قدموں کے نشان اب جموں و کشمیر میں ایک اسمبلی سیٹ جیتنے کے بعد نظر آ رہے ہیں۔
غور طلب ہے کہ جموں و کشمیر اسمبلی انتخابات میں عام آدمی پارٹی نے پہلی بار جموں و کشمیر کے اسمبلی انتخابات میں حصہ لیا تھا اور ڈوڈا اسمبلی حلقہ سے جیت درج کرلی ہے۔ جموں خطے کے ڈوڈا علاقے سے عام آدمی پارٹی کے مہراج ملک نے 4538 ووٹوں سے کامیابی حاصل کی۔ وہ جموں و کشمیر اسمبلی کا حصہ بننے والے عام آدمی پارٹی کے پہلے ایم ایل اے ہیں۔
جموں و کشمیر عام آدمی پارٹی کے ریاستی ترجمان مدثر حسن نے کہا کہ پارٹی جموں و کشمیر اسمبلی کا حصہ بننے کے اپنے مقصد میں کامیاب ہوئی ہے۔ انہوں مزید کہا کہ پارٹی کے تمام امیدواروں کو اچھی خاصی تعداد میں ووٹ ملے ہیں، جس کا مطلب ہے کہ لوگ عام آدمی پارٹی کو قبول کر رہے ہیں۔