پتھراؤ اور ہڑتالوں کی آڑ میں چند ہزار ووٹوں پر جیتنے والوں کی آج ہار ہوگی: صوفی محمد یوسف - JK Assembly Elections 2024

وادیٔ کشمیر میں بی جے پی کے نائب صدر صوفی محمد یوسف نے کہا کہ پتھراؤ اور ہڑتالوں کی آڑ میں چند ہزار ووٹوں سے جیتنے والے آج ہار جائیں گے۔ انہوں نے عوام سے جموں وکشمیر اسمبلی انتخابات جیسے جمہوری عمل میں بڑھ چڑھ کر حصہ لینے کی اپیل کی۔

سریگفوارہ، بجبہاڑہ:بی جے پی کے نائب صدر جموں وکشمیر صوفی محمد یوسف نے اپنے آبائی حلقہ سریگفوارہ بجبہاڑہ میں ووٹ ڈالا۔ صوفی یوسف نے عوام سے اپیل کرتے ہوئے کہا کہ وہ اس جمہوری عمل میں بڑھ چڑھ کر حصہ لیں تاکہ ان علاقائی پارٹیوں کو پتہ چلے جو پتھراؤ اور ہڑتالوں کی آڑ میں چند ہزار ووٹوں سے ایم ایل اے بنتے تھے۔ انہوں نے کہا کہ آج عوام بلا خوف ووٹ ڈالنے کے لیے نکل رہے ہیں کیونکہ لوگ بدلاؤ چاہتے ہیں۔

پتھر بازی اور ہڑتالوں کی آڑ میں چند ہزار ووٹوں پر جیتنے والوں کی آج ہار ہوگی (ETV Bharat Urdu)

صوفی نے کہا کہ لوگوں کا رجحان بی جے پی کی طرف ہے کیونکہ وہ جانتے ہیں کہ بی جے پی نے جموں و کشمیر کو امن اور ترقی کی جانب گامزن کیا ہے۔ انہوں نے کہا کہ لوگوں کا رجحان دیکھ کر لگ رہا ہے کہ اس بار ریکارڈ توڑ ووٹنگ ہوگی۔ صوفی کا کہنا ہے کہ انہیں امید ہے کہ سریگفوارہ بجبہاڑہ حلقہ کے لوگ انہیں اپنی خدمت کا موقع ضرور دیں گے۔

پتھر بازی اور ہڑتالوں کی آڑ میں چند ہزار ووٹوں پر جیتنے والوں کی آج ہار ہوگی (ETV Bharat Urdu)

پتھر بازی اور ہڑتالوں کی آڑ میں چند ہزار ووٹوں پر جیتنے والوں کی آج ہار ہوگی (ETV Bharat Urdu)

واضح رہے کہ بی جے پی کے صوفی محمد یوسف کا مقابلہ پی ڈی پی کی التجا مفتی اور این سی کے ڈاکٹر بشیر احمد ویری کے ساتھ ہے۔ یہ بھی یاد رہے کہ اننت ناگ کے سات حلقوں میں بجبہاڑہ سریگفواڑ ایک واحد حلقہ ہے جہاں پر صرف تین امیدوار میدان میں ہیں۔ ان میں پی ڈی پی کی التجا مفتی، این سی کے ڈاکٹر بشیر احمد ویری اور بے جے پی کے صوفی محمد یوسف شامل ہیں، مانا جاتا ہے کہ اس حلقہ میں ایک بار پھر این سی اور پی ڈی پی کے امیدواروں کے درمیان شدید مقابلہ ہے۔