زوجیلا میں گاڑی پر بھاری بھرکم پتھر گرنے سے بچی سمیت تین افراد جاں بحق - zojila road accident

جموں و کشمیر کے ضلع گاندر بل کے زوجیلا علاقے میں پیش آئے اس حادثے میں تین افراد کی موت ہوگئی جب کہ مزید تین افراد زخمی ہو گئے۔

گاندربل: جموں و کشمیر کے ضلع گاندربل زوجیلا میں اتوار کو ایک بڑا حادثہ ہیش آیا جہاں ایک بھاری بھرکم پتھر روڈ پر چل رہی گاڑی کے اوپر گر پڑا۔ اس میں ایک بچی سمیت تین افراد جاں بحق ہو گئے ہیں۔ جب کہ تین دیگر زخمی ہو گئے۔ ذرائع نے بتایا کہ مٹائن دراس سے سرینگر جارہی ایک الٹو کار پر پانی متھہ زوجیلا کے مقام پر ایک بھاری بھر کم پتھر گر گیا، اس کے نتیجے میں گاڑی میں سوار دو افراد موقعے پر ہی فوت ہو گئے۔ جب کہ ایک خاتون اور بچی نے زخموں سے تاب نہ لا کر ہسپتال میں دم توڑ دیا۔ واقعہ کی اطلاع ملتے ہی سو نمرگ پولیس، پرائمری ہیلتھ سنٹر سونہ مرگ سے وابستہ طبی ٹیم اور مقامی لوگ جائے وقوع پر پہنچے اور راحت رسانی کا کام شروع کر دیا ہے۔ اس سلسلے میں مزید تفصیلات کا انتظار ہے۔

حال ہی میں جموں سرینگر قومی شاہراہ کے قریب واقع کھڈونی علاقہ میں ایک تیز رفتار ٹرک کی زد میں آکر دو بھائیوں کی موت ہو گئی۔ اس کی وجہ سے علاقہ میں کہرام مچ گیا اور رنج وغم کی فضا پھیل گئی۔ واضح رہے کہ جموں وکشمیر میں کچھ علاقے ایسے ہیں جہاں آئے روز حادثات پیش آتے رہتے ہیں، لیکن حکومت ان کو نظر انداز کر رہی ہے۔ حکومت کو چاہیے کہ ایسے علاقوں اور شاہراہوں پر حادثات سے بچنے کے لیے احتیاطی اقدامات کرے۔