پلوامہ میں تحریک صوت الاولیاء کی جانب سے یک روزہ دینی کانفرنس پلوامہ:مرکز کے زیر انتظام خطے جموں و کشمیر کے ضلع پلوامہ کے لرہ بل کاکاپورہ میں آج تحریک صوت الاولیاء کے بینر تلے یک روزہ دینی تقریب کا انعقاد کیا گیا جس میں کشمیر کے کئی معروف ومشہور علماء دین نے عوام سے خطاب کیا۔
اجتماع میں تحریک صوت الاولیاء کے سربراہ مولانا عبدل رشید داوودی، فیاض احمد رضوی کے علاوہ کئی دیگر علماء دین نے شرکت کی جب کہ اس پروگرام میں لوگوں نے اچھی تعداد نے بھی شرکت کی۔ علماء دین نے قرآن اور حدیث پر روشنی ڈالی جب کہ عوام سے اپیل کی گئی کہ وہ قرآن اور حدیث کے مطابق اپنی زندگی گزاریں۔
یہ بھی پڑھیں:ڈاڈسرہ ترال میں شرپسند عناصر کی شرانگیزی، زیارت عالیہ اور مسجد کی بے حرمتی
اس سلسلے میں تحریک صوت الاولیاء کے سربراہ مولانا عبدل رشید داوودی نے میڈیا سے بات کرتے ہوئے سماج میں پھیل رہی منشیات کے مسئلے پر اظہار خیال کیا۔ انہوں نے کہا کہ منشیات کے خلاف مہم چلانے اور لوگوں کو بیدار کرنے کی ضرورت ہے۔ مسلمانوں کو دین اور احادیث کے مطابق زندگی گزارنے کی ہر ممکن کوشش کرنی چاہیے۔ دین کے مطابق زندگی گزارنے سے ہی کامیانی و کامرانی مل سکتی ہے۔
انہوں نے مزید کہا کہ نوجوانوں کے والدین سے اپیل کرتا ہوں کہ وہ اپنے بچوں کو دین کی تعلیمات سے روشناش کرائیں اور ان کو اپنی زندگی کا حصہ بنائیں تاکہ وہ منشیات سمیت دیگر غیر ضروری چیزوں سے دور رہ سکیں۔
