سب ڈسٹرکٹ مجسٹریٹ مینڈھر نے لوگوں سے جنگلات میں نہ جانے کی اپیل کی - MENDHAR SDM APPEAL

سب ڈسٹرکٹ مجسٹریٹ مینڈھر نے لوگوں سے کہا کہ وہ جنگلات میں نہ جائیں۔ یہ پابندی پیر سے لگائی گئی ہے جس میں کہا گیا ہے کہ عوام رات 9 بجے سے صبح 4 بجے کے درمیان جنگل میں نہ جائیں۔

پونچھ:سرحدی ضلع پونچھ کے مینڈھر کے ایس ڈی ایم عمران راشد کٹاریہ نے عام لوگوں کو پیر کی رات 9 بجے سے صبح 4 بجے کے درمیان جنگلاتی علاقوں میں جانے پر پابندی لگا دی ہے۔ ایس ڈی ایم کے دفتر سے جاری کردہ حکم نامے میں کہا گیا ہے کہ فوجی افسران نے یہ بات ان کے علم میں لائی ہے کہ کچھ شہری رات کے وقت جنگلاتی علاقوں اور کھیتوں میں شال اور کمبل پہن کر گھومتے ہیں۔ مختلف سکیورٹی ایجنسیاں لائن آف کنٹرول کے ساتھ جنگلاتی علاقوں میں سرچ آپریشن کرتی ہیں۔ ایسے میں کسی بھی حادثے سے بچنے کے لیے یہ احکامات جاری کیے گئے ہیں۔ اگر کسی بھی شخص کو جنگل کے علاقے میں جانا ہو تو اسے فوج اور پولیس افسران سے اجازت لینی ہوگی۔

قابل ذکر ہے کہ ضلع میں کچھ عرصے سے عسکریت پسند سرگرمیوں میں اضافہ اور لائن آف کنٹرول کے اس پار سے دراندازی کی کوششوں کے پیش نظر سکیورٹی فورسز کی جانب سے جنگلاتی علاقوں میں مسلسل تلاشی مہم چلائی جارہی ہے۔ اس کے پیش نظر عام شہریوں کو رات کے اندھیرے میں جنگلاتی علاقوں کا دورہ کرتے ہوئے کسی بھی حادثے سے بچانے کے لیے یہ حکم جاری کیا گیا۔