لیلہارا کے کاکاپور کے باشندوں کا رابطہ سڑک فراہم کرنے کا مطالبہ - demands proper road connectivity

Residents Of Lelhara Demands Proper Road Connectivity ضلع پلوامہ کے لیلہارا کاکاپورہ کے باشنوں بالخصوص کسانوں نے زرعی زمین کے لئے مناسب سڑک رابطہ فراہم کرنے کا مطالبہ کیا۔۔کھیتی پر جانے کے لئے انتظامیہ کی جانب سے سڑک کو بند کیا گیا ہے جس سے عوام میں کافی تشویش پایا جارہا ہے۔

پلوامہ:حکومت کی جانب سے ضلع پلوامہ کے کاکاپورہ علاقے میں ایک مڈسٹی تعمیر کرنے کا منصوبہ بنایا گیا ہے ۔اس منصوبے پر کام جاری ہے لیکن اس علاقے میں تقریباً مزید 700 کنال اراضی ہے۔اس پر عام لوگوں کھیتی کرکے گزر بسرکرتے ہیں۔

اس سلسلے میں آج بی جے پی ضلع صدر محمد لطیف بٹ نے بھی علاقے کا دور کیا جہاں انہوں نے عوام سے بھی اس حوالے سے گفتگو کی۔انہوں نے تفصیلی جانکاری حاصل کی جبکہ انہوں نے مقامی لوگوں کو یقین دلایا کہ ان کے جائز مطالبات کو انتظامیہ کے اٹھایا جائے گا اور حل کرنے کے لئے کام کیا جائے گا۔

لطیف احمد بھٹ نے اپنی ضلعی ٹیم کے ساتھ علاقے کا دورہ کیا اور علاقے کے مقامی لوگوں کی بات سنی۔ انہوں نے کہا کہ وہ اس معاملے کو اعلیٰ حکام کے ساتھ لے کر جائیں گے اور جلد اس مسئلے کو حل کرنے کی کوشش کریں گے۔ انہوں نے ڈپٹی کمشنر پلوامہ ڈاکٹر بشارت قیوم سے اپیل کی کہ اس معاملے کو دیکھیں اور مسئلہ کو جلد حل کریں۔

رئیس احمد نے بات کرتے ہوئے کہ تقریباً 7000 کنال اراضی سڑک کی وجہ سے آباد ہوتے ہے انہوں نے کہا کہ سرکاری اراضی میں ایک قبرستان بھی ہے جس کو محفوظ کرنے کا لوگ مطالبہ کرتے ہیں۔ ان کا مزید کہنا تھا کہ ہم ترقی کے خلاف نہیں لیکن انتظامیہ کو بھی سوچنا چاہیے کہ علاقے میں ترقی سے مکینوں کو فاقہ کشی کا سامنا نہ کرنا پڑے۔

علاقے کے مقامی باشندوں نے لیفٹیننٹ گورنر انتظامیہ اور ڈپٹی کمشنر پلوامہ ڈاکٹر بشارت قیوم سے اپیل کی کہ وہ اس معاملے پر مہربانی کرکے غور کریں اور اس بات کو یقینی بنائیں کہ علاقے کے زرعی کھیتوں کو اسی سڑک سے جوڑا جائے جس کا وہ گزشتہ کئی سالوں سے استعمال کررہے تھے۔