ریاست کے درجہ کے لیے پارلیمنٹ میں 100 ایم پیز کے ساتھ احتجاج کے لیے تیار، آغا روح اللہ مہدی کا عمرعبداللہ کو جواب

این سی لیڈر اور ایم پی آغا روح اللہ مہدی نے وزیر اعلیٰ کو جواب دیا ہے۔ انھوں نے ایکس پر ایک پوسٹ کی ہے۔

سری نگر:نیشنل کانفرنس لیڈر اور ممبر پارلیمنٹ آغا روح اللہ مہدی نے وزیر اعلیٰ عمر عبداللہ کے اس تبصرے کا جواب دیا جس میں وزیراعلیٰ نے کہا تھا کہ، آغا روح اللہ مہدی کو جموں و کشمیر کے ریاست کے درجہ کے لیے پارلیمنٹ میں احتجاج کرنا چاہیے تھا اور کہا تھا کہ بنیادی جدوجہد آرٹیکل 370 کے تحت خصوصی حیثیت کی بحالی کے لیے تھی۔

اس کے بعد عبداللہ نے سری نگر میں اپنی پہلی پریس کانفرنس میں روح اللہ کے ذریعہ اپنی رہائش گاہ کے باہر طلباء کے ساتھ ریزرویشن کے معاملے پر احتجاج پر جواب دیتے ہوئے کہا کہ، اس سے پارٹی میں جمہوری کلچر کی عکاسی ہوتی ہے۔ انھوں نے آغا روح اللہ مہدی سے پارلیمنٹ میں ریاست کے مطالبے کے لیے اسی طرح کے احتجاج کا مطالبہ کیا۔

سری نگر کے رکن پارلیمنٹ نے کہا کہ آرٹیکل 370 کی منسوخی کشمیریوں کو بے عزت کرنے کی دانستہ کوشش تھی اور ہمیں جان بوجھ کر ایک گہرا زخم لگایا گیا ہے۔

انہوں نے اپنی پارٹی کے نائب صدر عمر عبداللہ کا نام لیے بغیر ایکس پر ایک پوسٹ میں کہا کہ، مجھے دہلی میں ریاست کا درجہ کے لیے احتجاج کرنے کی خواہش اور مطالبہ کے بارے میں بتایا گیا ہے۔ میں اس طرح کے احتجاج میں شرکت کے لیے تیار ہوں، اور ریاستی حیثیت کو ترجیح دینے والوں کو اس کے انعقاد کے لیے مدعو کرتا ہوں۔

روح اللہ نے کہا کہ وہ اس معاملے پر 100 سے زائد ارکان پارلیمنٹ کی حمایت حاصل کرنے کی کوشش کریں گے۔

روح اللہ نے اپنی پوسٹ میں لکھا، "مجھے یقین ہے کہ ان کے لیے اس کو منظم کرنے کے لیے جنوری سے بہتر کوئی اور وقت نہیں ہے۔ انھوں نے لکھا کہ، جنوری میں ہندوستان کے آئین کو اپنایا گیا تھا جو کہ ہماری خصوصی حیثیت کا حامل دستاویز ہے۔

پارٹی لیڈران میں یہ تکرار اس بات کا بڑھتا ہوا اشارہ ہے کہ حکمراں جماعت داخلی رسہ کشی کا شکار ہے جو گزشتہ ماہ سری نگر میں عبداللہ کی رہائش گاہ کے باہر احتجاج کرنے پر روح اللہ سے خوش نہیں ہیں۔

روح اللہ مہدی نے مزید کہا کہ، "اس کے ساتھ ہی مجھے یہ یاد دلانا چاہیے کہ آرٹیکل 370 کی منسوخی ہمیں بے عزت کرنے کی دانستہ کوشش تھی، اور ایک گہرا زخم جان بوجھ کر ہم پر لگایا گیا تھا۔ اس کے بعد یونین ٹیریٹری میں تنزلی ہمارے اوپر منسوخی کی بے عزتی کو متاثر کرنے کی ایک اور کوشش تھی۔

روح اللہ نے مستقبل میں بھی ہر بار اپنی آواز بلند کرنے کی بات کہی۔