پلوامہ میں ضلع پولیس اور سی آر پی ایف کی جانب سے فلیگ مارش
پلوامہ:ملک کی دوسری ریاستوں کی مرکز کے زیر انتطام یوٹی جموں و کشمیر میں لوک سبھا انتخابات کے مدنظر سیاسی گہماگہمی عروج پر ہے۔ وادی میں ہونے والے لوک سبھا انتخابات 2024 کے لیے تیاریاں زور شور جاری ہیں۔ لوک سبھا انتخابات 2024 کے پیش نظر پلوامہ پولیس نے سی آر پی ایف کے ساتھ مل کر مختلف علاقوں میں فلیگ مارچ نکالا تاکہ جموں و کشمیر میں آزادانہ، منصفانہ اور شفاف لوک سبھا انتخابات کو یقینی بنایا جا سکے اور معاشرے میں تحفظ اور ہم آہنگی کا احساس پیدا کیا جا سکے۔
مرکز کے زیر انتظام یوٹی جموں و کشمیر میں لوک سبھا انتخابات کی تاریخ جوں جوں قریب آ رہی ہے توں توں سرگرمیاں تیز ہوتی جا رہی ہیں۔ پہلی پارلیمانی نشست کے لیے ووٹنگ 19 اپریل کو ہونے جا رہی ہے۔ وادی میں انتظامیہ اور سکیورٹی فورسز وادی میں پرامن انتخابات کے لیے میدان تیار کرنے میں مصروف ہیں۔