شوپیان:کندلن شوپیان کے باشندوں نے انکے علاقے میں بنیادی سہولیات میسر نہ ہونے پر ضلع انتظامیہ شوپیان سے فوری اقدامات کی اپیل کی ہے۔ مقامی لوگوں کا کہنا ہے کہ ان کے علاقے میں بنیادی سہولیات کی کمی کی وجہ سے وہ کئی مشکلات کا سامنا کر رہے ہیں۔
شوپیان کے گاوں کدان میں مقامی باشندے بنیادی سہولیات سے محروم (etv bharat) مقامی باشندوں نے بتایا کہ ان کے علاقے میں بجلی کی تاریں عارضی کھمبوں پر لٹکی ہوئی ہیں جو کسی بھی وقت حادثے کا سبب بن سکتی ہیں۔ برسوں سے یہاں کے بجلی کے کھمبے تبدیل نہیں کیے گئے ہیں اور یہ اب بوسیدہ ہو چکے ہیں، جس سے علاقے کے لوگوں کو شدید مشکلات کا سامنا ہے۔
علاقے کی گلی کوچوں کی حالت بھی انتہائی خستہ ہو چکی ہے۔ سڑکیں خستہ حال ہیں اور ان کی مرمت کی طرف کوئی توجہ نہیں دی گئی ہے۔ اس کے نتیجے میں، مقامی لوگوں کو آمد و رفت میں دشواری کا سامنا کرنا پڑ رہا ہے۔ اسکے ساتھ ساتھ ایک اور بڑی مشکل جس کا سامنا مقامی لوگوں کو ہے وہ علاقے میں ڈرینج سسٹم کی کمی۔ علاقے میں نکاسی آب کا کوئی مناسب انتظام نہیں ہے جس کی وجہ سے بارشوں کے دوران پانی سڑکوں پر جمع ہو جاتا ہے اور لوگوں گھروں سے باہر نہیں نکل پا رہے ہیں۔
یہ بھی پڑھیں:شوپیان کے دچھی پورہ کے باشندوں نے سڑکوں پر تارکول بچھانے کی مانگ کی
لوگوں نے ضلع انتظامیہ سے مطالبہ کیا ہے کہ ان کے علاقے کی طرف فوری توجہ دی جائے۔ ان کا کہنا ہے کہ اگر علاقے میں بنیادی سہولیات فراہم کی جائیں تو یہاں کے لوگ بھی آسانی کے ساتھ زندگی گزار سکتے ہیں۔ انہوں نے مزید کہا کہ علاقے میں بجلی کے کھمبے تبدیل کیے جائیں، سڑکوں کی مرمت کی جائے اور نکاسی آب کا نظام بہتر بنایا جائے۔
