اونتی پورہ: لاڑموہ میں خستہ حال سڑک سے عوام کی پریشانیوں میں اضافہ - Dilapidated Larmoh Awantipora Road

Protest Against On Bad Conditions Of Road In Awantipora ضلع پلوامہ کے اونتی پورہ لاڑموہ میں واقع خستہ حال سڑک سے مقامی باشندوں کی پریشانیوں میں اضافہ ہوا ہے۔ مقامی باشندوں نے ضلع انتظامیہ سے جلد سے جلد سڑک کی مرمت کا مطالبہ کیا ہے۔

اونتی پورہ:پلوامہ ضلع کے اونتی پورہ سمیت دیگر اہم علاقوں میں سڑک جیسی بنیادی سہولیات کے سبب مقامی باشندوں کو بڑی دشواریوں کا سامنا کرنا پڑ رہا ہے۔ مقامی باشندوں کی متعدد اپیلوں کے باوجود ضلع انتظامیہ کی جانب سے اونتی پورہ۔ لاڑموہ میں واقع خستہ حال سڑک کی حالت کو بہتر بنانے کے لئے کوئی ٹھوس قدم نہیں اٹھایا۔

ایک طرف جہاں ایل جی انتظامیہ عوام کو بہتر سہولیات فراہم کرنے کے حوالے سے بلند بانگ دعویٰ کرتی ہے وہیں دوسری طرف آج کے جدید دور میں بھی کئی علاقوں میں عوام کے مشکلات کا ازالہ کرنے کے حوالے سے اقدامات نہیں کیے جا رہے ہیں۔ اس حوالے سے جنوبی کشمیر کے اونتی پورہ علاقہ میں موجود لاڈموہ آبادی کی مثال پیش کی جا سکتی ہے۔

اونتی پورہ کے لاڑموہ میں اہمیت کی حامل ترال چرسو سڑک پر حفاظتی باندھ تعمیر نہ کیے جانے سے مقامی لوگوں میں تشویش کا ماحول ہے کیونکہ بارش کے دنوں میں لینڈ سلاڈنگ ہونے کا سنگین خطرہ رہتا ہے جبکہ کئی مقامات پر سڑک میں دراڈیں پیدا ہو گئی ہے۔ اس کی وجہ سے سڑک حادثات میں بھی اضافہ ہوا ہے۔

مقامی باشندوں نے الزام عائد کیا کہ پی ایم جی ایس وائی محکمہ نے سڑک کے اطراف میں حفاظتی باندھ بنانے کو لے کر کبھی کوئی قدم نہیں اٹھایا۔ ان کی لاپرواہی کی وجہ سے گاؤں والوں کی زندگی خطرے میں پڑگئی ہے۔