اننت ناگ: جاری امرناتھ یاترا کے درمیان آئی جی پی کشمیر، شری وی کے بردی نے نُنون بیس کیمپ پہلگام میں ایک اہم کوآرڈینیشن اور سیکورٹی میٹنگ کی صدارت کی، میٹنگ میں پولیس افسران، فوج، سمیت متعدد اسٹیک ہولڈرز نے شرکت کی۔ وہیں اس موقع پر سی اے پی ایف، این ڈی آر ایف، ایس ڈی آر ایف، ایم آر ٹی، بیس کیمپ ڈائریکٹر، سیکورٹی، ٹریفک اور انٹیلی جنس ایجنسیز کے افسران موجود رہے۔
ETV Bharat / jammu-and-kashmir
آئی جی پی کشمیر نے امرناتھ یاترا کے لیے پہلگام میں سیکورٹی میٹنگ کا جائزہ لیا - Security Review Meeting
جموں و کشمیر میں سالانہ امرناتھ 2024 جاری ہے۔ امرناتھ یاترا کے پر امن اختتام کو لیکر سکیورٹی فورسز مختلف مقامات پر الرٹ ہیں۔ حال ہی میں جموں کے مختلف مقامات پر عسکریت پسندوں کے حملے کے بعد امرناتھ یاترا کی سکیورٹی میں اضافہ کیا گیا ہے۔
Published : Jul 10, 2024, 10:09 PM IST
آئی جی پی نے تمام سکیورٹی ایجنسیوں کو ہدایت دی کہ وہ امرناتھ یاترا کے پر امن انعقاد کو یقینی بنانے کے لیے قریبی تال میل سے کام کریں۔ اجتماعی کوششوں اور ہم آہنگی کی اہمیت پر زور دیتے ہوئے انہوں نے کسی بھی ممکنہ خطرات کو روکنے اور یاتریوں کی حفاظت کو یقینی بنانے کی ضرورت پر زور دیا۔ بردی نے مکمل جانچ پڑتال کی ضرورت پر زور دیتے ہوئے فرسکنگ اور ایکس رے سکیننگ آلات کے بارے میں بھی تفصیلات طلب کیں۔ ملاقات کے دوران سیکورٹی فورسز اور انٹیلی جنس ایجنسیوں نے اپنے خیالات کا اظہار کیا۔
آئی جی پی نے ضلعی پولیس افسران کو ہدایت دی کہ وہ ان معلومات کی بنیاد پر حکمت عملی وضع کریں۔ انہوں نے پنجترنی، شیش ناگ اور چندواری بیس کیمپوں سے بھی معلومات کی درخواست کی۔ میٹنگ میں یاترا افسر سوجیت کمار نے بھی شرکت کی۔ ڈی آئی جی ایس کے آر، جاوید احمد متو، ایس ایس پی اننت ناگ، ڈاکٹر جی وی سندیپ چکرورتی، ٹریفک فوج و دیگر سکیورٹی ایجنسیوں کے افسران نے یاتریوں کی حفاظت کو یقینی بنانے کے لیے تمام اسٹیک ہولڈرز کے عزم پر زور دیا۔