وادی گریز میں تازہ برفباری، بانڈی پورہ-گریز روڈ ٹریفک کیلئے بند
بانڈی پورہ:محکمہ موسمیات کی پیش گوئی کے عین مطابق وادی کشمیر کے بالائی علاقوں میں تازہ برفباری جبکہ میدانی علاقوں میں موسلا دھار بارشوں کا سلسلہ جاری ہے۔ شمالی کشمیر کے بانڈی پورہ ضلع کے وادی گریز میں صبح سے ہی تازہ برفباری کا نیا سلسلہ شروع ہوا۔وادی گریز کے اونچے علاقوں بشمول تلیل وادی میں اتوار کے صبح سے ہی تازہ برفباری ہوئی ہے۔
برفباری کی وجہ سے درجہ حرارت میں کمی واقع ہوئی۔اطلاعات کے مطابق سیاحتی مقام گلمرگ کے بالائی علاقوں، سونہ مرگ کے پہاڑی علاقوں میں تازہ برف باری ہوئی ہے۔ برفباری سے قبل ایس ڈی ایم گریز نے سوشل میڈیا پلیٹ فارمز پر ایک پوسٹ میں کہا کہ "بارش/برفباری کے پیش نظر گریز- بانڈی پورہ اور داور تلیل روڈ پر نقل و حرکت اگلے احکامات تک معطل رہے گی"۔