ضلع پلوامہ میں محمکہ بجلی کے ملازمین متحرک

ضلع پلوامہ میں محمکہ بجلی کے ملازمین کو متحرک رہنے کی ہدایت دی گئی ہے۔ ضلع کے بالائی علاقوں کے ساتھ ساتھ میدانی علاقوں میں شیڈول کے مطابق بجلی فراہم کی جارہی ہیں۔اس سے عام لوگوں کی پریشانیاں کم ہونے کا امکان ہے۔

پلوامہ:مرکز کے زیر انتظام یوٹی جموں و کشمیر کے بیشتر اضلاع کے ساتھ ساتھ ضلع پلوامہ کے میدانی علاقوں کے ساتھ ساتھ بالائی علاقوں میں برفباری جاری ہے جس کے پیشِ نظر عوام کو بجلی فراہم کرنے کے لئے محمکہ کی جانب سے سنجیدہ اقدامات اٹھائے گئے ہے جہاں اس برفباری کے دوران محمکہ کے ملازمین اپنے اپنے علاقے میں موجود ہے تاکہ عوام کو بلاحلل بجلی فراہم کی جائے۔

اس سلسلے میں محمکہ بجلی کے ایکزیکٹیو انجنئیر محمد مقبول نے بات کرتے ہوئے کہا کہ ضلع کے بالائی علاقوں کے ساتھ ساتھ میدانی علاقوں میں اس وقت شیڈول کے مطابق بجلی فراہم کی جارہی ہیں۔

انہوں نے ضلع کے راتنی پورہ علاقے میں کل رات کو ایک ٹینکر نے بجلی کے کھمبے کو نقصان پہنچایا تھا جس کے نیتجے میں کئی علاقوں کو بجلی متاثر ہوئے تھے اور رات کے دوران ہی محمکہ کے ملازمین نے اس علاقے میں تقریباً 90 فیصد بجلی بحال کی۔آنے والے دنوں میں اس میں مزید بہتری کا امکان ہے۔

انہوں نے عوام سے اپیل کی کہ وہ برفباری کے پیش نظر ان کے تعاون کریں تاکہ بجلی کی سپلائی کو ہر ایک علاقے میں یقین بنائے جاسکے۔۔اس سے عام لوگوں کی پریشانیاں کم ہونے کا امکان ہے۔