ڈاکٹر عفت حسن کو پرنسپل جی ایم سی سرینگر کا اضافی چارج دیا گیا - Principal GMC Srinagar

GMC Srinagar New Principal: انچارج پرنسپل جی ایم سی ہندواڑہ ڈاکٹرعفت حسن کو پرنسپل جی ایم سی سرینگر کا اضافی چارج دیا گیا ہے۔ یاد رہے کہ پرنسپل جی ایم سی سرینگر پروفیسر ڈاکٹر مسعود تنویر بٹ 30 اپریل کو سبکدوش ہونے والے ہیں۔

سرینگر: ڈاکٹر عفت حسن انچارج پرنسپل جی ایم سی ہندوارہ کو پرنسپل جی ایم سی سرینگر کا اضافی چارج بھی دیا گیا ہے۔ اس حوالے سے محکمہ صحت و طبی تعلیم جموں و کشمیر کی طرف سے باضابطہ حکم نامہ جاری کیا گیا ہے۔ جاری کردہ حکم نامے کے مطابق ڈاکٹر عفت کی تقرری پرنسپل جی ایم سی سرینگر پروفیسر ڈاکٹر مسعود تنویر بٹ کے 30 اپریل کو سبکدوش ہونے کے پیش نظر عمل میں لائی گئی ہے۔
پروفیسر ڈاکٹر مسعود تنویر بٹ کی ریٹائرمنٹ کے نتیجے میں اور لوک سبھا انتخابات 2024 کی وجہ سے انتخابی ضابطہ اخلاق نافذ ہونے کی وجہ سے گورنمنٹ میڈیکل کالج سرینگر اور اس سے منسلک اہسپتالوں میں مریضوں کی دیکھ بھال کو یقینی بنانے کے لیے ڈاکٹر عفت کو بطور پرنسپل جی ایم سی سرینگر کا اضافی چارج دیا گیا ہے۔

حکم نامے میں مزید کہا گیا ہے کہ پروفیسر ڈاکٹر عفت حسن پرنسپل گورنمنٹ میڈیکل کالج ہندوارہ کے علاوہ پرنسپل گورنمنٹ میڈیکل کالج سرینگر کے فرائض بھی اگلے احکامات تک انجام دے گی۔ یاد رہے کہ انتخابی ضابطہ اخلاق کے اطلاق کے بعد بالواسطہ یا بلاواسطہ تعلق رکھنے والے تمام افسروں/ اہلکاروں کے تبادلے اور تعیناتی پر مکمل پابندی نافذ ہوتی ہے۔ اگر کسی افسر کا تبادلہ یا تعیناتی ضروری سمجھا جاتا ہے تو اس کے لیے الیکشن کمیشن آف انڈیا سے پیشگی منظوری درکار ہوتی ہے۔