بانہال کے بنکوٹ گاؤں میں واقع دو منزلہ عمارت میں بھیانک آتشزدگی

Two Storey House Gutted in Ramban: ضلع رامبن کے بانہال کے بنکوٹ گاؤں میں واقع دو منزلہ عمارت میں بھیانک آتشزدگی کا واقعہ پیش آنے سے علاقے میں سنسنی پھیل گئی۔ یہ عمارت پوری طرح سے خاکستر ہوگئی۔ اس واقعے میں بھاری نقصان ہونے کی اطلاع ہے۔

رامبن:مرکز کے زیر انتظام یوٹی جموں و کشمیر کے پہلاڑی ضلع رامبن کے بانہال کے بنکوٹ گاؤں میں واقع دو منزلہ عمارت میں بھیانک آتشزدگی کا واقعہ پیش آنے سے علاقے میں سنسنی پھیل گئی۔ دو منزلہ عمارت پوری طرح سے جل کر راکھ ہو گئی۔ اس واقعے میں کسی کے زخمی ہونے کی اطلاع نہیں ہے۔ذرائع کے مطابق بنکوٹ کے مقامی لوگوں نے ایک ای ٹی وی کے نمائندے کو بتایا کہ اس دو منزلہ مکان میں مرحوم محمد اشرف کی بیوہ نظیر بیگم اور ان کے دو لڑکے ارشد اور آبشار رہائش پزیر تھے۔ انہوں نے کہاکہ آگ کا واقعے میں اوپری منزل مکمل طور خاکستر ہو گئی۔

تاہم محکمہ فائر اینڈ ایمر جنسی سروس کی بر وقت کاروائی سے آگ پر قابو پالیا گیا۔ انہوں نے کہا کہ بانہال میں واقع مقامی تھانے کی پولیس کے اسٹیشن ہوس آفیسر فردوس احمد کی قیادت میں پولیس، مقامی لوگوں اور محکمہ محکمہ فائر اینڈ ایمر جنسی کے جوانوں نے آگ پر قابو پانے کے لئے مشقت کی۔ سب ڈویژن پولیس آفیسر بانہال اجے سنگھ جموال نے بتایا کہ محکمہ فائر اینڈ ایمر جنسی فوری طور آگ پر قابو پانے کے لئے روانہ کر دیا گیا تھا۔ اس سلسلے میں مقامی تھانے میں ایک کیس درج کر کے تحقیقت شروع کر دی گئی ہے۔