ڈوڈہ میں ضلع انتظامیہ اور محکمہ آیوش کے اشتراک سے یوگا ڈے کا اہتمام (etv bharat)
ڈوڈہ:ملک کی دوسری ریاستوں کی طرح مرکز کے زیر انتظام یوٹی جموں و کشمیر کے ڈوڈہ سمیت تمام اضلاع میں 21 جون کو یعنی جمعہ کے روز بڑے پیمانے پر یوگا ڈے کا اہتمام کیا گیا۔
اس تقریب کا موضوع یوگا فار سیلف اینڈ سوسائٹی تھا اس میں انفرادی بھلائی اور سماج میں ہم آہنگی کے لیے یوگا کے مجموعی فوائد پر زور دیا گیا۔ڈوڈہ میں واقع اسپورٹس اسٹیڈیم میں ہونے والے اس پروگرام میں یوگا کے شائقین کا ایک بڑا اجتماع دیکھا گیا۔
اس پروگرام میں میں سرکاری افسران، اہلکار اور کمیونٹی لیڈر شامل تھے۔اس کے علاوہ ضلع انتظامیہ کے اعلیٰ حکام کے ساتھ ساتھ مختلف اسکولوں کے طلبا و طالبات نے یوگا ڈے میں شرکت کی۔