اونتی پورہ میں یومیہ مزدوروں کا احتجاج - Awantipora Protest

Dailywagers Protest in Awantipora اونتی پورہ میں واقع میکینکل آبپاشی میں کام کرنے والے یومیہ مزدوروں نے تنخواہ کے لیے احتجاج کیا۔ ان کا کہنا ہے کہ انہیں وقت پر تنخواہ دی جائے تاکہ وہ عید منا سکیں۔ گھروالوں کے لیے خریداری کر سکیں۔

اونتی پورہ:مرکز کے زیر انتظام یوٹی جموں و کشمیر کے اونتی پورہ میں واقع میکینکل آبپاشی میں کام کرنے والے یومیہ مزدوروں نے تنخواہ جاری کرنے کے مطالبہ پر احتجاج کیا۔ احتجاجی مظاہرے میں درجنوں نے غیر مستقل مزدوروں نے شرکت کی اور متعلقہ عہدیداروں کے خلاف نعرہ بازی کی۔ مظاہرین نے وقت پر تنخواہ کی ادائیگی کا مطالبہ کیا۔

میڈیا کے ساتھ بات کرتے ہوئے مظاہرین نے الزام عاید کیا کہ محکمہ فینانس نے ان کی رقومات کو ادا نہیں کیا ہے۔ ان کی عدم توجہی کے سبب مزدوروں کو پریشانیوں کا سامنا کرنا پڑ رہا ہے۔ تاہم اونتی پورہ ڈویژن کا ایزیکٹیو انجینر نے ٹریجری کو ہارڈ کاپی نہیں بھیجی ہے جس کی وجہ سے اب تک ان کی تنخواہیں ادا نہیں ہوئیں۔ مالی سال ختم ہو رہا ہے لیکن اس کے باوجود ہمارے آفیسر اس معاملے کے تئیں سنجیدہ نہیں ہیں۔

انہوں نے کہا کہ مالی مسائل کے سبب ان کے معمولات شدید طریقے سے متاثر ہو رہے ہیں اور ان کے بچے اسکول جانے سے بھی قاصر ہیں جب کہ کئی ملازمین کے والدین مہلک امراض میں مبتلا ہیں لیکن وہ علاج کرانے سے قاصر ہیں۔ انھوں نے چیف انجینئر اریگیشن سے اس بارے میں فوری مداخلت کی اپیل کی۔