آری پل میں جائزہ میٹنگ ہنگامے کی نذر - Chaos In Meeting At RDD office

ترال کے آری پل کے دیہی ترقی بلاک میں آج اس وقت ہنگامہ آرائی مچ گئی جب ڈی ڈی سی رکن کی جانب سے بلائی گئی میٹنگ میں مختلف محکموں کے ذمہ داران میں سے چند لوگ غیر حاضر رہے۔ انہوں نے میٹنگ میں غیر حاضر رہنے والے افراد کو لے کر ناراضگی کا اظہار کیا۔

ترال:ڈی ڈی سی ممبر نے ناراضگی کا اظہار کرتے ہوئے کہا کہ اس طرح کے اقدامات سے ایل جی صاحب کے ترقی مشن کا خواب چکنا چور ہو سکتا ہے۔ لوگوں کو یہ بات سمجھنے کی ضرورت ہے۔ انہوں نے ملازمین کی غیر حاضری پر ناراضگی کا اظہار کیا ۔

انہوں نے کہا کہ ترال بلاک سمیت دیگر غیر حاضر ملازمین کے خلاف قانونی کاروائی کی جائے۔ اس موقع پر ڈی ڈی سی ممبر اور متعلقہ ملازمین کے درمیان حجت و تکرار بھی ہوئی۔ میڈیا کے ساتھ بات کرتے ہوئے ڈی ڈی سی ممبر منظور گنائی نے بتایا کہ انہوں نے تحریری طور تمام متعلقہ محکموں کے آفیسر ان کو آگاہ کیا تھا لیکن جب وہ آج صبح یہاں پہنچے تو یہاں بیشتر محکموں کے ملازمین موجود نہیں تھے ۔اس کے سبب ان کو جایزہ میٹنگ ملتوی کرنی پڑی۔

انہوں نے الزام عائد کیا کہ کچھ عناصر وادی کشمیر میں جامع ترقی کے خواب کو پورا کرنے میں رکاوٹ بن رہے ہیں ۔اسی لیے یہ عناصر سرکاری پیسے کو ضائع کر رہے ہیں ۔انہوں نے بتایا کہ آری پل بلاک میں ملازمین نے بلاک کو اپنی زاتی جاگیر سمجھا ہے۔ عوام کسی بھی طرح ایسے عناصر کو برداشت نہیں کرے گی اس لیے ایل جی انتظامیہ کو ان ملازمین کے خلاف کڑی کاروائی کرنی چاہیے۔