گاندربل کے کنگن کچپورا میں سی آر پی ایف کا فری میڈیکل کیمپ

ضلع گاندربل میں سی آر پی ایف کی جانب سے مفت میڈیکل کیمپ کا انعقاد کیا گیا جس میں مفت ادویات بھی تقسیم کی گئیں۔

گاندربل:جموں و کشمیر کے گاندربل وسطی کشمیر کے گاندربل ضلع کے کنگن علاقے کے کچپورا میں 118 بٹالین سی آر پی ایف کی جانب سے ایک مفت طبی کیمپ کا انعقاد کیا گیا۔ میڈیکل کیمپ میں قریبی دیہاتوں کے مریضوں اور ضرورت مندوں میں مفت ادویات تقسیم کی گئی۔ میڈیکل کیمپ میں کل 300 مقامی لوگوں کا معائنہ کیا گیا۔

کیمپ میں میڈیکل آفیسر سی آر پی ایف نے سرکاری اسپتال کے ڈاکٹروں کے ساتھ مریضوں کا معائنہ کیا اور انہیں مجموعی صحت کو برقرار رکھنے کے لیے مشورہ دیا۔ اور انہیں کچھ ضروری مشورے بھی دۓ گۓ، ساتھ انہیں مفت ادویات بھی دی گئی۔ مقامی سول اور پولیس افسران میڈیا نمائندوں اور علاقے کے مقامی لوگوں نے زبردست جوش و خروش کا مظاہرہ کیا اور 118 بٹالین سی آر پی ایف کی کوششوں کو سراہا۔

سی آر پی ایف کے افسران نے کہا کہ وہ علاقے میں دوستانہ ماحول جاری رکھیں گے اور آؤٹ ریچ پروگراموں کے ذریعے اور مستقبل میں مفت طبی کیمپوں کے انعقاد کے ذریعے مقامی لوگوں کے درمیان بہتر ہم آہنگی پیدا کریں گے۔

اس موقع پر مقامی لوگوں نے سی آر پی ایف کی اس بٹالین کے افسران کا شکریہ ادا کیا بتایا کہ اردگرد رہنے والے لوگوں کا اسپتال پہچنا مشکل ہوتا ہے۔ جسکی وجہ سے ہم سی آر پی ایف کا مفت میڈکل کیمپ اور مفت دوا دینے کےلئے شکریہ ادا کرتے ہیں۔ اس دوران سی آر پی ایف کے اس بٹالین کے کمانڈنگ آفیسر نے کہا ہے کہ ہم نے آج تک اس علاقے اور کنگن سب ڈویژن کے دوسرے علاقوں میں اس طرح کے کئی کیمپ منعقد کۓ ہیں اور ہماری یہ کوشش دوبارہ بھی جاری رہے گی، تاکہ غریب بیماروں تک پہنچایا جا سکے۔