نیپال: ہیلی کاپٹر کے حادثے میں پانچ افراد ہلاک - Nepal helicopter crash

ائیر ڈائنسٹی کا ایک ہیلی کاپٹر کھٹمنڈو سے تقریباً 11 کلومیٹر شمال مغرب میں واقع ایک پہاڑی پر گر کر تباہ ہو گیا۔ اس میں سوار تمام پانچ افراد ہلاک ہو گئے۔ یہ حادثہ کھٹمنڈو میں سوریہ ایئر لائن کے حادثے کے صرف دو ہفتے بعد ہوا ہے، جس میں 18 افراد ہلاک ہوئے تھے۔ نیپال میں دو برسوں میں یہ پانچواں ہیلی کاپٹر حادثہ ہے۔ 1979 سے لے کر اب تک نیپال میں کم از کم 41 ہیلی کاپٹر حادثے ریکارڈ کیے جا چکے ہیں۔

کھٹمنڈو: نیپالی دارالحکومت کے شمال مغرب میں بدھ کو ایک ہیلی کاپٹر پہاڑوں میں گر کر تباہ ہوگیا۔ اس حادثے میں جہاز میں سوار پانچوں افراد کی موت ہو گئی۔ ضلع نواکوٹ کے سرکاری منتظم کرشنا پرساد ہماگئی نے بتایا کہ ملبے سے چار مردوں اور ایک خاتون کی لاشیں نکالی گئی ہیں۔

نیپال کے متعلقہ افسر نے بتایا کہ پولیس اور فوج کی امدادی ٹیمیں علاقے میں پہنچ گئی ہیں۔ آپریشن میں مدد کے لیے دو ریسکیو ہیلی کاپٹر بھی بھیجے گئے ہیں۔ حادثے کی لوکیشن کھٹمنڈو کے شمال مغرب میں ایک جنگلاتی پہاڑی پر ہے۔

ہیلی کاپٹر نے کھٹمنڈو کے بین الاقوامی ہوائی اڈے سے مقامی وقت کے مطابق دوپہر 1 بج کر 54 منٹ پر اڑان بھری اور اس کا رخ سیاپروبیشی قصبے کی طرف تھا۔ نیپال کی سول ایوی ایشن اتھارٹی کے ایک بیان کے مطابق، یورو کاپٹر AS350 ہیلی کاپٹر، نیپال میں مقیم ایئر ڈائنسٹی کی ملکیت ہے، ٹیک آف کے صرف تین منٹ بعد ٹاور سے رابطہ منقطع ہوگیا۔

حکام نے بتایا کہ چاروں مسافر چینی شہری ہیں اور پائلٹ نیپالی ہے۔ یہ حادثہ ایک مسافر بردار طیارہ کے تباہ ہونے کے دو ہفتے بعد پیش آیا ہے، جس میں 18 افراد ہلاک ہو گئے تھے۔ اس حادثے میں صرف پائلٹ ہی بچ سکا تھا۔