غزہ: اسرائیلی فوج کی غزہ میں خونریز کارروائیاں جاری ہے اور گزشتہ 24 گھنٹے کے دوران مزید 215 فلسطینی جاں بحق ہوگئے ہیں۔ غزہ میں حماس کے زیر انتظام وزارت صحت نے کہا ہے کہ 7 اکتوبر 2023 سے اسرائیلی حملوں میں جاں بحق ہونے والے فلسطینیوں کی تعداد 26,751 ہو گئی ہے۔
وزارت نے پیر کو ایک میڈیا بیان میں کہا کہ اسرائیلی فورسز نے گزشتہ 24 گھنٹے کے دوران 215 فلسطینیوں کو جاں بحق اور 300 سے زائد کو زخمی کیا۔ تنازع کے آغاز سے اب تک زخمی ہونے والے فلسطینیوں کی کل تعداد کم از کم 65,387 ہے۔ وزارت نے کہا کہ بہت سے متاثرین اب بھی ملبے کے نیچے پھنسے ہوئے ہیں، لیکن ایمبولینس اور بچاؤ عملہ کی ٹیمیں ان تک نہیں پہنچ سکتیں۔