حیدرآبا: سوشل ڈرامہ فلم 'لاپتہ لیڈیز' 97ویں اکیڈمی ایوارڈز 2025 میں بھارت کی نمائندگی کرے گی۔ عامر خان کی سابق اہلیہ کرن راؤ نے فلم لاپتہ لیڈیز کی ہدایت کاری کی ہے۔ لاپتہ لیڈیز کو صرف رواں سال 2024 میں ہی ریلیز کیا گیا تھا۔ لاپتہ لیڈیز نے حاضرین کو خوب لطف اندوز کرایا۔
غور طلب ہے کہ 29 فلمیں آسکر ایوارڈ کی دوڑ میں شامل تھیں لیکن اس پر اعتماد کا اظہار کرتے ہوئے 'لاپتہ لیڈیز' کو آسکر کے لیے بھیجا جا رہا ہے۔ اینیمل، کالکی 2898، تنگلان، جورم اور کئی جنوبی ہند کی فلمیں آسکر میں جانے والی فہرست میں شامل تھیں۔ آئیے جانتے ہیں کہ صرف لاپتہ لیڈیز کو ہی آسکر میں جانے کا موقع کیوں ملا؟
لاپتہ لیڈیز کو آسکر کے لیے کیوں منتخب کیا گیا؟
آسام کے ڈائریکٹر جہنو بروا آسکر میں لاپتہ لیڈیز کی باضابطہ انٹری پر 12 رکنی جیوری کے چیئرمین ہیں۔ انہوں نے حال ہی میں اس پر بات کی۔ جب ان سے پوچھا گیا کہ آسکر کے لیے صرف لاپتہ لیڈیز ہی کیوں؟ تو اس پر انہوں نے کہا کہ ان 29 فلموں میں سے جیوری ایک ایسی فلم کی تلاش میں تھی جو آسکر کے ذریعے ہندوستان کو ہر نقطہ نظر سے دنیا کے سامنے پیش کر سکے، ایسے میں لاپتہ لیڈیز ان معیارات پر پورا اترتی ہے، لاپتہ لیڈیز صحیح انتخاب ہے۔
ان کا مزید کہنا تھا کہ یہ ضروری ہے کہ ایسی فلم آسکر کے لیے بھیجی جائے جو ہندوستان کو عالمی سطح پر پیش کر سکے، اس لیے ان 29 فلموں میں سے جیوری ممبران نے صرف لاپتہ لیڈیز کی منظوری دی۔ انہوں نے یہ بھی بتایا کہ انہوں نے یہ تمام فلمیں چنئی میں ایک ہفتے میں دیکھی ہیں۔ اس پورے ہفتے ہم نے تمام فلموں پر بحث کی، بحث کے بعد ہم نے ان کا مطالعہ کیا اور پھر انہیں شارٹ لسٹ کیا۔ ساتھ ہی اس بات پر آدھا دن مزید لگا کہ کس فلم کو آسکر کے لیے بھیجا جائے اور پھر لاپتہ لیڈیز کی تصدیق کی گئی۔ انہوں نے یہ بھی کہا کہ ان پر اور ان کی ٹیم پر کسی قسم کا کوئی دباؤ نہیں ہے۔
لاپتہ لیڈیز کی کہانی کیا ہے؟
لاپتہ لیڈیز ایک سوشل ڈرامہ فلم ہے۔ اس میں دکھایا گیا ہے کہ کس طرح لڑکیوں کی کم عمری میں شادی کر دی جاتی ہے اور انہیں ذمہ داریوں کے ساتھ گھروں کی چار دیواری میں قید کر دیا جاتا ہے۔ فلم میں ایک لڑکی جو پڑھنا چاہتی ہے شادی کے خلاف ہے، پھر اس کی زبردستی شادی کر دی جاتی ہے۔ جب وہ اپنے سسرال جا رہی ہوتی ہے تو ان کی طرح ایک اور دلہن بھی ٹرین میں بیٹھی خوشی سے سسرال جا رہی ہوتی ہے۔ کہانی میں موڑ تب آتا ہے جب ان دلہنوں کا تبادلہ ہوتا ہے۔ اس کے بعد کیا ہوتا ہے، فلم میں دیکھیں۔ فلم نیٹ فلکس پر دستیاب ہے۔
