حیدرآباد: 77واں کانز فلم فیسٹیول 2024 آج 14 مئی سے شروع ہورہا ہے اور یہ 15 مئی سے بھارت میں دیکھا جائے گا۔ بھارت کی بہت سی خوبصورت اداکارائیں اس خاص ایونٹ کا حصہ بننے جا رہی ہیں، جن میں ایشوریا رائے بچن، ادیتی راؤ حیدری اور ساؤتھ بیوٹی شوبھیتا دھولی پالا کے نام شامل ہیں۔ اب اداکارہ کیارا اڈوانی کا نام بھی سامنے آیا ہے۔
میڈیا رپورٹس کے مطابق کیارا اڈوانی اس بڑے ایونٹ میں بھارت کی نمائندگی کرنے جا رہی ہیں۔ کیارا ریڈ سی فلم فاؤنڈیشن کے سنیما گالا ڈنر میں شرکت کریں گی، جس کا اہتمام وینٹی فیئر ہر سال کانز فلم فیسٹیول میں کرتا ہے۔ اس میں دنیا بھر سے 6 خوبصورت اداکارائیں جلوہ گر ہوں گی جن میں کیارا کا نام بھی سامنے آرہا ہے۔