اس دن سے شروع ہو رہا ہے 'کون بنے گا کروڑ پتی 16' نئے انداز میں نظر آئیں گے امیتابھ بچن - Kaun Banega Crorepati 16

مشہور انڈین ریئلٹی شو 'کون بنے گا کروڑ پتی 16' ایک نئے جوش کے ساتھ اپنے سامعین کو مسحور کرنے کے لیے تیار ہے، یہ سیزن 12 اگست سے سونی انٹرٹینمنٹ ٹیلی ویژن پر ہر سوموار اور جمعہ کو ٹیلی کاسٹ کیا جائے گا۔

ممبئی: تجربہ کار بالی ووڈ آئیکون امیتابھ بچن کی میزبانی میں کوئز پر مبنی ریئلٹی ٹیلی ویژن شو 'کون بنے گا کروڑ پتی' 12 اگست کو اپنے 16ویں سیزن کے ساتھ واپسی کے لیے تیار ہے۔ غور طلب ہے کہ شو کے میکرز نے نئے سیزن کے پریمیئر کی تاریخ کا اعلان ایک ٹیگ لائن کے ساتھ کیا۔ "زندگی ہے، ہر موڑ پر سوال پوچھے گی، جواب تو دینا ہوگا۔"

شو کا پرومو مختلف منظرنامے پیش کررہا ہے، جس میں شامل افراد کو اپنے ساتھیوں کی طرف سے مزاحمت کا سامنا کرنا پڑتا ہے اور ایسے سوالات کا سامنا کرنا پڑتا ہے جن کا جواب یقین کے ساتھ دیا جانا چاہیے۔ 'کون بنے گا کروڑ پتی' ہندوستان کا سب سے مشہور ٹیلی ویژن شو ہے۔ اس شو نے امیتابھ بچن کے کیریئر کو بحال کرنے کے لئے بھی اہم کردار ادا کیا ہے، جو ایک وقت میں ایک شدید مالی بحران کا سامنا کر رہے تھے۔ ہندوستانی سامعین نے 'کون بنے گا کروڑ پتی' امیتابھ بچن کی ہمیشہ سراہنا کی ہے، جو برطانیہ کے شو 'ہو وانٹس ٹو بی اے ملینیئر؟' پر مبنی ہے۔

واضح رہے کہ بالی ووڈ کنگ شاہ رخ خان نے امیتابھ بچن کی میزبانی میں دو کامیاب سیزن کے بعد شو کے تیسرے سیزن کی میزبانی کی، لیکن وہ ​​اپنے بے مثال دلکش اور خوبصورت اداؤں کے باوجود بھی امیتابھ بچن کے جادو کو نہیں دہرا سکے۔

امیتابھ بچن نے اپنے چوتھے سیزن کے ساتھ شو میں واپسی کی اور 2010 سے اس کی میزبانی کر رہے ہیں۔ قابل ذکر ہو کہ 'کون بنے گا کروڑ پتی 16' سیزن 12 اگست سے سونی انٹرٹینمنٹ ٹیلی ویژن پر ہر سوموسر اور جمعہ کو ٹیلی کاسٹ کیا جائے ہوگا۔