ممبئی: آج 7 فروری سے ویک آف لو ویلنٹائن ڈے شروع ہو گیا ہے۔ ان مناسبت سے آج روز ڈے ہے۔ ویک آف لو کا یہ 8 دن اپنے آپ میں بہت خاص ہے۔ ایسے میں اس خاص موقعے کو مزید خاص بنانے کے لیے بالی ووڈ کنگ شاہ رخ خان کی گلیمرس بیوی گوری خان نے ایک نئی شروعات کی ہے۔ پیشے کے اعتبار سے انٹیریئر ڈیزائنر گوری خان نے ممبئی میں اپنا نیا ریسٹورنٹ کھولا ہے۔ خاص بات یہ ہے کہ اس ریسٹورنٹ کا افتتاح 6 فروری کی شب ہوا تھا۔ یعنی ویلنٹائن ڈے شروع ہونے سے ایک دن پہلے۔
خصوصی دن پر نئے ریسٹورنٹ کا افتتاح
غور طلب ہو کہ گوری خان نے اس ریسٹورنٹ کا نام توری(Torii) رکھا ہے۔ اس خاص موقع پر گوری خان کو خاکی رنگ کے پینٹ سوٹ میں گاہکوں کے لیے ریسٹورنٹ کا دروازہ کھولتے ہوئے دیکھا جا سکتا ہے۔ شاہ رخ خان اور گوری خان کی محبت کی کہانی پوری دنیا جانتی ہے۔ اب اگر آپ بھی اپنی خاص محبت کی کہانی بنانا چاہتے ہیں تو آپ کس چیز کا انتظار کر رہے ہیں؟ ممبئی میں سچے پیار کی مثال شاہ رخ گوری کے ریسٹورنٹ میں جائیں اور اپنی محبت کی کہانی بنائیں۔