ممبئی: فلم انڈسٹری کے باوقار ایوارڈز میں سے ایک، دادا صاحب پھالکے انٹرنیشنل فلم فیسٹیول ایوارڈز 2024، 20 فروری کو ممبئی میں منعقد ہوا۔ اس خاص موقع پر شاہ رخ خان، نینتھارا، انیل کپور، کرینہ کپور خان، سندیپ ریڈی، رانی مکھرجی، شاہد کپور سمیت کئی مشہور شخصیات موجود رہے۔ اس ایوارڈ تقریب میں شاہ رخ کی فلم 'جوان' اور رنبیر کپور کی فلم 'اینیمل' کو ٹاپ آرڈر اعزازات ملے۔ جبکہ وکی کوشل کی فلم سیم بہادر کو خصوصی ٹائٹل سے نوازا گیا۔
وکی کوشل نے دادا صاحب پھالکے انٹرنیشنل فلم فیسٹیول ایوارڈز 2024 میں فلم 'سیم بہادر' میں اپنی شاندار اداکاری کے لیے بہترین اداکار (کریٹکس) کا ایوارڈ جیتا۔ اداکار اس ایوارڈ میں شرکت نہیں کر سکے لیکن انہوں نے اس اعزاز کے لیے ایک خصوصی ویڈیو پیغام بھیجا جس میں انہوں نے اپنی خوشی کا اظہار کیا اور سبھی کا شکریہ ادا کیا۔
فاتحین کی فہرست
بہترین اداکار - شاہ رخ خان (جوان)
بہترین اداکارہ - نینتھارا (جوان)
منفی کردار میں بہترین اداکار - بوبی دیول (اینیمل)
بہترین اداکار (کرٹکس) - وکی کوشل (سیم بہادر)
بہترین ہدایت کار - سندیپ ریڈی وانگا (اینیمل)
بہترین میوزک ڈائریکٹر - انیرودھ روی چندر