حیدرآباد (نیوز ڈیسک):ملائکہ اروڑا کے والد انل اروڑہ نے خودکشی کر لی ہے۔ بتایا جا رہا ہے کہ انل اروڑہ نے چھت سے چھلانگ لگا کر اپنی جان دے دی۔ ان کے اہل خانہ اور جاننے والے صدمے میں ہیں۔ ممبئی پولیس اداکارہ کے گھر پہنچ گئی۔ ملائکہ اور ان کے خاندان کے لیے یہ بہت ہی افسوسناک اور مشکل وقت ہے۔
ملائکہ کے سابق شوہر ارباز خان بھی اس مشکل وقت میں ان کے گھر پہنچ گئے ہیں۔ ارباز خان کو ملائکہ کے گھر کے باہر پولیس اور دیگر لوگوں سے بات کرتے دیکھا گیا۔ یہ سوچا جا رہا تھا کہ اداکار اپنی سابقہ اہلیہ کے گھر کیوں گئے؟ اب جب اس کی وجہ سامنے آئی ہے تو ہر طرف ماتم اور غم کا سماں ہے۔ ملائکہ کے والد کے انتقال کے بعد ارباز خان ملائکہ کے مدر ہاؤس پہنچ گئے۔
تفصیلات کے مطابق قبل ازیں بالی ووڈ سے ایک بری خبر سامنے آئی ہے۔ خبر ہے کہ بالی ووڈ اداکارہ ملائکہ اروڑا کے والد انیل اروڑا انتقال کر گئے ہیں۔ انہوں نے باندرہ میں واقع اپنے گھر سے چھلانگ لگادی۔ ملائکہ اروڑا کے سابق شوہر اور اداکار ارباز خان ان کے گھر پہنچ گئے۔ اس کے ساتھ ہی ملائکہ کے گھر رشتہ داروں کی بھیڑ جمع ہوگئی ہے۔