اننت ناگ کے بجبہاڑہ میں تین منشیات فروش منشیات سمیت گرفتار - DRUG PeDDLERS ARRESTED IN ANANTNAG

ACTION AGAINST DRUGS: پولیس نے اننت ناگ کے بجبہاڑہ میں تین منشیات فروش منشیات سمیت گرفتار کیا ہے۔ جموں وکشمیر پولیس معاشرہ سے منشیات کی لعنت کو ختم کرنے کے لیے کوشاں ہے۔

بجبہاڑہ: منشیات کے خلاف جاری مہم کو تیز کرتے ہوئے اننت ناگ پولیس نے تین منشیات فروشوں کو منشیات کے ساتھ گرفتار کیا ہے، ضلع اننت ناگ کے بجبہاڑہ میں تین منشیات فروشوں کو پولیس نے منشیات سمیت گرفتار کرلیا ہے۔ سماج سے منشیات کی لعنت کو ختم کرنے کے لیے اپنی غیر متزلزل کوششوں کو جاری رکھتے ہوئے اننت ناگ پولیس نے تین منشیات فروشوں کو گرفتار کیا اور ان کے قبضہ سے نشہ آور مادہ برآمد کیا۔ پولیس پوسٹ سنگم کی پولیس پارٹی نے بجبہاڑہ کے تلکھن کراسنگ سنگم کے قریب ناکا لگایا اور ایک سنٹرو گاڑی زیر رجسٹریشن نمبر JK03B-1781 کو روک کر گاڑی کی تلاشی لی۔ تلاشی کارروائی کے دوران پولیس پارٹی نے مذکورہ گاڑی سے تقریباً 17 کلو فُکی برآمد کی۔

گاڑی میں سوار تین افراد کی شناخت واگہامہ بجبہاڑہ سے تعلق رکھنے والے سجاد احمد داس ولد محمد سلطان داس، جاوید احمد منٹو ولد ولی محمد منٹو اور مظفر احمد شیخ ولد نذیر احمد شیخ ولد ساکنہ تلکھن بجبہاڑہ کے طور پر کی گئی اور انہیں موقع پر ہی گرفتار کر لیا گیا۔ منشیات کی تسکری میں استعمال کی جانے والی گاڑی کو بھی ضبط کر لیا گیا۔ اس سلسلہ میں قانون کی متعلقہ دفعات کے تحت پولس تھانہ بجبہاڑہ میں مقدمہ درج کر کے تفتیش شروع کر دی گئی ہے۔