سوارا بھاسکر کے شوہر فہد احمد کو شکست، ثنا ملک نے انوشکتی نگر سے کامیابی حاصل کی

بالی ووڈ اداکارہ سوارا بھاسکر کے شوہر فہد احمد کو ثنا ملک نے انوشکتی نگر اسمبلی سیٹ سے شکست دے دی ہے۔

ممبئی:بالی ووڈ اداکارہ سوارا بھاسکر کے شوہر فہد احمد کے بارے میں ایک بڑی خبر سامنے آ ئی ہے۔ جانکاری کے مطابق ثنا ملک نے انہیں انوشکتی نگر اسمبلی سیٹ سے شکست دے دی ہے۔ دراصل، مہاراشٹر کی 288 اسمبلی سیٹوں کے لیے ووٹوں کی گنتی جاری ہے۔ اس دوران انوشکتی نگر اسمبلی سیٹ کا فیصلہ آ گیا ہے۔ جہاں نواب ملک کی بیٹی نے فہد احمد کو شکست دی ہے۔

غور طلب ہے کہ بالی ووڈ اداکارہ سوارا بھاسکر کے شوہر فہد احمد این سی پی (شرد پوار) کے ٹکٹ پر انوشکتی نگر سے الیکشن لڑے تھے۔ لیکن وہ یہاں جیت نہیں سکے۔ ثنا ملک نے فہد کو شکست دے دی ہے۔

آپ کو بتا دیں کہ سوارا بھاسکر کے شوہر فہد احمد پہلے سماج وادی پارٹی میں تھے۔ لیکن کچھ عرصہ پہلے وہ ایس پی چھوڑ کر این سی پی شرد پوار میں شامل ہو گئے۔ جس میں انہیں انوشکتی نگر اسمبلی سیٹ سے میدان میں اتارا گیا تھا۔ لیکن فہد کو یہاں شکست کا سامنا کرنا پڑا۔

سوارا بھاسکر نے 6 جنوری 2023 کو فہد احمد کے ساتھ کورٹ میرج کی تھی۔ اداکارہ نے سوشل میڈیا پر اپنی شادی کا اعلان کر کے سب کو حیران کر دیا۔ اب اس جوڑے کے ایک بیٹی ہے۔ جس کا نام انہوں نے رابعہ رکھا ہے۔ سوارا بھاسکر شادی کے بعد سے اداکاری سے دور ہیں۔

واضح رہے کہ سوارا بھاسکر بھلے ہی بڑے پردے سے دور ہوں لیکن سوشل میڈیا پر کافی متحرک رہتی ہیں۔ اداکارہ گزشتہ کئی دنوں سے اپنے شوہر کے ساتھ کئی ویڈیوز بھی شیئر کر رہی تھیں۔ جس کا تعلق ان کے انتخابی سفر سے تھا۔ اس کے علاوہ اداکارہ اکثر اپنی بیٹی رابعہ کے ساتھ خوبصورت تصاویر شیئر کرتی رہتی ہیں۔