اقلیتوں کے خلاف سوشل میڈیا پر متنازع پوسٹ، مظفر نگر میں زبردست ہنگامہ، ملزم گرفتار، 700 مظاہرین پر بھی کیس درج

مظفر نگر پولیس نے متنازع پوسٹ لکھنے والے ملزم کو گرفتار کر لیا۔ اسی کے ساتھ 700 مظاہرین پر بھی کیس درج کر لیا ہے۔

مظفر نگر:ریاست اتر پردیش کے ضلع مظفر نگر میں سوشل میڈیا فیس بک پر کیے گئے متنازع پوسٹ سے ناراض رات مسلم معاشرے کے سینکڑوں لوگ بڈھانہ قصبہ میں دیر سڑکوں پر نکل آئے اور قصبے کے مین روڈ بلاک کر دیا۔ لوگوں کا مطالبہ تھا کہ ملزمین کو گرفتار کیا جائے۔

پولیس کے عالی افسران نے جانکاری دی کہ ملزم کو فوری گرفتار کر لیا گیا ہے لیکن سوشل میڈیا پر غلط افواہ پھیلائی گئی جس کے بعد ہنگامہ کھڑا ہو گیا۔ پولیس کے علی افسران بھاری پولیس فورس کے ساتھ موقعے پر پہنچے اور لوگوں کو سمجھایا کہ ہم نے ملزم شخص کو گرفتار کر لیا ہے اور اس کے اوپر سخت ترین کاروائی کی جائے گی۔ پولیس کے سمجھانے کے بعد مظاہرین سڑک کو خالی کر گھر کی اور لوٹ گئے۔ پولیس کے علی افسران نے کشیدگی کے پیش نظر قصبے میں فلیگ مارچ کیا اور سات سو نامعلوم مظاہرین کے خلاف بھی کیس درج کر لیا ہے۔ فی الحال صورت حال معمول پر لوٹ آئی ہے اور امن و امان قائم کا ماحول ہے۔

واضح رہے کہ مظفر نگر کے بڑھانا قصبہ کے رہنے والے ایک شخص نے سوشل میڈیا پر متنازع تبصرے کیے۔ یہ اشتعال انگیز تبصرے جیسے ہی سوشل میڈیا پر وائرل ہوئے تو ہفتے کی رات اس کی مخالفت میں مسلم معاشرے کے ہزاروں لوگوں نے ملزم کی گرفتاری کا مطالبہ کرتے ہوئے سڑکوں پر پر اتر کر زبردست احتجاجی مظاہرہ کیا۔

معاملے کو بڑھتا دیکھ کر پولیس کے اعلیٰ افسران بھی موقع پر پہنچ گئے اور لوگوں کو سمجھایا کہ ملزم کو گرفتار کر لیا گیا ہے اور سخت ترین کاروائی کی جا رہی ہے۔ کسی کو بھی کسی کے مذہبی جذبات سے کھلواڑ نہیں کرنے کی اجازت نہیں دی جائے گی۔ پولیس کے اعلیٰ افسران اور مسلم معاشرے کے معزز افراد کے سمجھانے کے بعد مظاہرین اپنے اپنے گھروں کو واپس لوٹ گئے۔