یوپی کے گونڈا میں ڈبرو گڑھ ایکسپریس کے کئی ڈبے پٹری سے اترے، دو لوگوں کی موت - Train Derailed in Gonda

یہ واقعہ گورکھپور ریلوے سیکشن کے موتی گنج سرحد پر پیش آیا۔ اس حادثے میں کسی جانی نقصان کی کوئی اطلاع نہیں ہے۔ لیکن روٹ پر آنے والی ٹرینوں میں خلل پڑا۔ واقعہ کی اطلاع ملتے ہی ریلوے کے تمام اعلیٰ افسران موقع پر پہنچ گئے اور پٹری سے اتری ہوئی بوگیوں کو پٹری سے ہٹایا۔

گونڈا میں جمعرات کو ٹرین حادثہ پیش آیا۔ چندی گڑھ سے ڈبرو گڑھ جانے والی ڈبرو گڑھ ایکسپریس کی بوگیاں پٹری سے اتر گئیں۔ ڈبرو گڑھ ایکسپریس کے اے سی کوچ کی حالت خراب ہے۔ ڈبرو گڑھ ایکسپریس گونڈا کے قریب جھلاہی ریلوے اسٹیشن کے قریب پٹری سے اتر گئی۔ ٹرین کے پٹری سے اترتے ہی مسافروں میں خوف و ہراس پھیل گیا۔ لوگ خوف سے چیخنے لگے۔ ٹرین رکتے ہی مسافر باہر نکل آئے۔ تاہم اس حادثے میں ابھی تک کسی جانی نقصان کی اطلاع سامنے نہیں آئی ہے۔ محکمہ ریلوے نے واقعے کی وجوہات جاننے کے لیے تحقیقات شروع کردی ہیں۔اس حادثے میں دو لوگوں کی موت اور متعدد کے زخمی ہونے کی اطلاعات ہیں۔ حادثے کے بعد گونڈہ لکھنؤ گورکھپور ریلوے لائن میں خلل پڑا ہے۔ حادثے کے بعد ٹرین کے مسافروں میں خوف و ہراس پھیل گیا۔ اے سی کوچز کو سب سے زیادہ نقصان پہنچا ہے۔

15904-ڈبرو گڑھ ایکسپریس چنڈی گڑھ سے ڈبرو گڑھ تک چلتی ہے۔ جمعرات کو یہ ٹرین 11:39 بجے چنڈی گڑھ سے روانہ ہوئی۔ جمعرات کی دوپہر جب ٹرین گونڈا اور بستی کے درمیان جھلاہی اسٹیشن پر پہنچی تو اچانک ایک زوردار آواز آئی۔ اس کے بعد اچانک ٹرین ہلنے لگی اور کچھ ہی دیر میں ٹرین کے کئی ڈبے پٹری سے اتر گئے۔

ٹرین کی بوگیاں پٹری سے اترنے سے مسافروں میں خوف و ہراس پھیل گیا۔ جھلاہی اسٹیشن کے قریب موجود لوگوں نے ریلوے حکام کو حادثے کی اطلاع دی۔ ٹرین کی کئی بوگیاں پٹری سے اترنے کے بعد الٹ گئیں۔ اس دوران اے سی کی بوگی بری طرح تباہ ہوگئی۔ حادثے کے بعد راحت اور بچاؤ کا کام شروع کر دیا گیا ہے۔