సేమ్ ప్లేస్.. సేమ్ సీన్.. పంత్కు యాక్సిడెంట్ అయిన చోట మళ్లీ అలానే!
ఉత్తరాఖండ్ రూర్కీలో రోడ్డు ప్రమాదం జరిగింది. అతివేగంతో వెళ్తున్న ఓ కారు పక్కనే వెళ్తున్న ట్రాక్టర్ను ఢీకొట్టింది. ఈ క్రమంలో అదుపుతప్పి డివైడర్ను ఢీకొట్టి బోల్తా కొట్టింది. ఆ సమయంలో హరియాణా నుంచి ఓ బస్సు కారు వెనుకే వస్తుంది. అయితే ఆ బస్సు.. కారును ఢీకొట్టలేదు. దీంతో త్రుటిలో భారీ ప్రమాదం తప్పింది. అంతా ఒక్కసారి ఊపిరి పీల్చుకున్నారు. అయితే కారులో ఉన్న నలుగురు ప్రయాణికులకు గాయాలైనట్లు తెలుస్తోంది. ఈ ప్రమాద దృశ్యాలు స్థానిక సీసీటీవీలో రికార్డయ్యాయి. బుధవారం సాయంత్రం జరిగిందీ ఘటన. క్షతగాత్రులందరూ ఉత్తర్ప్రదేశ్లోని నొయిడాకు చెందిన వారని తెలుస్తోంది.
అంతకుముందు గతేడాది డిసెంబరు 30న టీమ్ఇండియా స్టార్ క్రికెటర్ రిషభ్ పంత్ రోడ్డు ప్రమాదానికి గురైన చోటే ఈ యాక్సిడెంట్ కూడా జరగడం గమనార్హం. ఈ రోడ్డు ప్రమాదంలో రిషభ్ పంత్ తీవ్రంగా గాయపడ్డారు. ప్రస్తుతం రిషభ్ పంత్ క్రమంలో కోలుకుంటున్నాడు. ఆయన దెహ్రాదూన్లో ఓ ప్రైవేట్ ఆస్పత్రిలో చికిత్స పొందారు.