కాళేశ్వరంపై విచారణతో బీఆర్ఎస్ నాయకుల్లో దడ మొదలైంది : పొన్నం ప్రభాకర్​ - Ponnam Comments On Vinod

Ponnam Vigilance Enquiry On Kaleshwaram Project :. కాళేశ్వరం ప్రాజెక్టుపై విజిలెన్స్ విచారణ చేపట్టడంతో బీఆర్ఎస్ పార్టీ నాయకుల్లో దడ మొదలైందన్నారు రవాణా, బీసీ సంక్షేమ శాఖల మంత్రి పొన్నం ప్రభాకర్. లక్ష కోట్ల రూపాయలతో నిర్మించిన ఈ ప్రాజెక్టు 9 నెలలు కూడా సేవలందించ లేకపోయిందని పొన్నం విమర్శించారు. కరీంగనర్​లో వాకర్స్​తో పొన్నం ప్రోగ్రాం నిర్వహించారు. ఈ సందర్బంగా ఆయన మీడియాతో మాట్లాడారు.  దర్యాప్తు ఇప్పుడే మొదలైందని త్వరలోనే అన్ని విషయాలు వెలుగుచూస్తాయని స్పష్టం చేశారు. 

Ponnam Comments On MP Vinod Kumar :బీఆర్ఎస్ హయాంలో అడ్డగోలుగా ఉద్యోగాలు పొందిన వారి గురించి మరోసారి ప్రస్తావించారు. జెన్ కోలో అడ్డదారిలో ఉద్యోగం పొందారన్న ఆరోపణలు ఎదుర్కొంటున్న ఇంజినీర్ సరితపై ఘాటుగా స్పందించారు.  మాజీ ఎంపీ వినోద్ కుమార్​ సరితకు ఉద్యోగం ఇప్పించిన విషయంలో ఏ మాత్రం సంబంధం లేనట్లయితే పోలీసులకు ఫిర్యాదు చేయాలని సవాల్ విసిరారు. వినోద్ కుమార్ తనపై వచ్చిన ఆరోపణలకు స్పందించి ఫిర్యాదు చేసినట్టయితే పోలీసుల విచారణలో కూడా వాస్తవాలు వెలుగు చూస్తాయని వ్యాఖ్యానించారు. దీంతో ఆయన చిత్తశుద్దిని కూడా నిరూపించుకునట్టు అవుతుందన్నారు. జెన్​కోతో పాటు ఇతర ప్రభత్వ విభాగాల్లో అక్రమంగా ఉద్యోగం పొందిన వారు వెంటనే వారంతా తమ ఉద్యోగాలు వదులు కోవాలని మంత్రి పొన్నం ప్రభాకర్ సూచించారు