International Egg Person of The Year 2023 : ఇంటర్నేషనల్ ఎగ్ పర్సన్​ ఆఫ్ ది ఇయర్​గా హైదరాబాద్​ వాసి - ఇంటర్నేషనల్ ఎగ్ పర్సన్ 2023 జగపతి రావు

International Egg Person of The Year 2023 : కోడి గుడ్ల వ్యాపారాన్ని విశ్వవ్యాప్తంగా వృద్ధి చేస్తున్న వారికి అందించే ఇంటర్నేషనల్ ఎగ్ పర్సన్ ఆఫ్ ది ఇయర్ 2023 అవార్డు హైదరాబాద్​కు చెందిన శ్రీనివాస ఫార్మ్ గ్రూప్ ఛైర్మన్ చిట్టూరి జగపతి రావును వరించింది. ఇంటర్నేషనల్ ఎగ్ కమిషన్ అందించిన ఈ అవార్డును ఆయన కుమారుడు సురేశ్ రాయుడు అందుకున్నారు. ఆసియా దేశాల నుంచి ఈ అవార్డును అందుకున్న తొలి వ్యక్తి జగపతి రావు కావటం విశేషం.

కేవలం తాను స్థాపించిన శ్రీనివాస ఫామ్స్ గ్రూప్ కోసం మాత్రమే కాకుండా పౌల్ట్రీ పరిశ్రమ వృద్ధికి ఆయన విశేష కృషి చేశారు. భారత్​లో ఎగ్​ కో ఆర్డినేషన్ కమిటీ వ్యవస్థాపకుల్లో జగపతి రావు ఒకరు కావటం గమనార్హం. ఇంటర్నేషనల్ ఎగ్ పర్సన్ ఆఫ్ ద ఇయర్​గా ఎంపిక కావటం పట్ల జగపతి రావు హర్షం వ్యక్తం చేశారు. వచ్చే 20 ఏళ్లలో గుడ్డు వినియోగం దాదాపు మూడు రెట్లు పెరిగే అవకాశం ఉందని.. గుడ్డు తినటం ద్వారా ఆరోగ్యకరమైన జీవితం గడపవచ్చన్నారు.