మంచి మనసు చాటుకున్న కేటీఆర్​ - విద్యార్థిని చదువు కోసం ఆర్థిక సాయం

Former Minister KTR Help To Women :ఖమ్మం జిల్లా ఇల్లందుకు చెందిన ఓ విద్యార్థిని చదువు కోసం బీఆర్​ఎస్​ కార్యనిర్వాహక అధ్యక్షుడు, మాజీ మంత్రి కేటీఆర్ రూ.లక్ష ఆర్థిక సాయం అందించారు. ఇల్లందు పట్టణం ఆజాద్​నగర్​కు చెందిన అన్నపూర్ణ ఆర్థిక స్థోమత లేక తన కుమార్తె చదువు కోసం ఇబ్బందులు పడుతున్నారు. ప్రజాదర్బార్ గురించి తెలుసుకొని హైదరాబాద్ వచ్చి దరఖాస్తు చేశారు. నాలుగు సార్లు దరఖాస్తు ఇచ్చిన అన్నపూర్ణ, ముఖ్యమంత్రి రేవంత్ రెడ్డిని కలిసేందుకు అసెంబ్లీ వద్దకు వెళ్తే పోలీసులు అనుమతించలేదు.  

KTR Help To Rs 1 Lakh Women : దాంతో కేసీఆర్, కేటీఆర్​ను కలిసేందుకు తెలంగాణ భవన్​కు వెళ్లారు. అన్నపూర్ణ బాధను విన్న కేటీఆర్, ఆమె కుమార్తె నర్సింగ్ చదువు కోసం వ్యక్తిగత స్థాయిలో రూ.లక్ష ఆర్థిక సాయం అందించారు. తన కుమార్తె విద్య, కుటుంబ ఆర్థిక సాయం కోసం సహకారం అందించిన కేటీఆర్​కు అన్నపూర్ణ ధన్యవాదాలు తెలిపారు.