Etela fires on kcr : "ధనిక రాష్ట్రమంటూ చెబుతూ.. రైతులను దగా చేశాడు" - Telangana latest political news

Etela rajender on agricutural loans : ధనిక రాష్టం.. అబ్ కీ బార్ కిసాన్ సర్కార్ అంటున్న ముఖ్యమంత్రి కేసీఆర్.. 2018 ఎన్నికల్లో ఇచ్చిన హామీలను ఎందుకు నెరవేర్చలేదని బీజేపీ రాష్ట్ర ఎన్నికల మేనేజ్​మెంట్​ కమిటీ చైర్మన్, ఎమ్మెల్యే ఈటల రాజేందర్ ప్రశ్నించారు.  రాష్ట్రంలోని రైతులకు లక్ష రూపాయల రుణ మాఫీ చేస్తానని చెప్పి.. మోసం చేశారని మండిపడ్డారు. తెలంగాణలో కాషాయ జెండా ఎగరాలని.. మోదీ తీవ్రంగా ఆకాంక్షిస్తున్నారన్నారు. కాంగ్రెస్, బీఆర్​ఎస్​ పార్టీల నాయకులు పార్లమెంట్​లో చెట్టాపట్టాలు వేసుకొని తిరుగుతున్నారని.. కాంగ్రెస్ పార్టీకి ఓటు వేస్తే తిరిగి అది కేసీఆర్​కే వెళ్తుందని దుయ్యబట్టారు. తెలంగాణ కోసం 14 ఏళ్లు పోరాటం చేస్తే చిల్లర ఆరోపణలు చేసి తనను బీఆర్​ఎస్​ పార్టీ నుంచి బయటికి పంపారని ఆవేదన వ్యక్తంచేశారు. అహర్నిశలు శ్రమించి తెలంగాణలో పార్టీని గెలిపించాలని వరంగల్ సభలో ప్రధాని మోదీ, జేపీ నడ్డా చెప్పారని.. సీఎం కేసీఆర్​ను గద్దె దించడమే తన కర్తవ్యమన్నారు. సీఎం కేసీఆర్​తో కొట్లాడడానికే తనను రాష్ట్ర ఎన్నికల కమిటీ చైర్మన్ చేశారని తెలిపారు. కట్టిన డబుల్ బెడ్​రూం ఇండ్లను పంచని సీఎం కేసీఆర్, మంత్రివర్గం.. ఏ ముఖం పెట్టుకుని గ్రామాల్లోకి వెళ్తారని ఎద్దేవా చేశారు.