'మద్యం తాగొద్దా? అయితే.. నాకు టీకా వద్దే వద్దు' - కరోనా టీకాకు భయపడ్డ వ్యక్తులు

Covid vaccine fear: దేశంలో కరోనా ఒమిక్రాన్ వేరియంట్ వ్యాప్తి కలవరపెడుతున్నప్పటికీ... వ్యాక్సిన్ వేసుకోవడానికి వివిధ కారణాలతో చాలా మంది వెనుకడగు వేస్తున్నారు. టీకా భయంతో ఓ వ్యక్తి చెట్టెక్కిన సంఘటన పుదుచ్చేరిలో జరిగింది. కోనేరికుప్పం గ్రామవాసులకు టీకా వేసేందుకు ఆరోగ్య సిబ్బంది రాగా.. 'నాకు టీకా వద్దంటే వద్దు' అంటూ ముత్తువేల్​(39) అనే వ్యక్తి చెట్టెక్కి కూర్చున్నాడు. మద్యానికి బానిసైన అతడు.. టీకా వేసుకుంటే మద్యం తాగకూడదన్న భయంతోనే ఇలా ప్రవర్తించాడు. ఇందుకు సంబంధించిన వీడియో.. సామాజిక మాధ్యమాల్లో వైరల్​గా మారింది.