ప్రస్తుత కాలంలో చాలా మందికి బరువు అనేది ఓ సమస్యగా మారింది. బరువు తగ్గాలనే వారికోసం 'ఏబీసీ జ్యూస్' ఎంతగానో ఉపయోగపడుతుంది. ఆరోగ్యంగా బరువు తగ్గాడం ఈ జ్యూస్తో వీలవుతుంది. ఈ ఏడాది ఎక్కువమంది ఆసక్తి చూపిన ఈ జ్యూస్ కోసం తెసుకుందామా మరి..!
- ఆపిల్‌, బీట్‌రూట్‌, క్యారెట్‌లతో చేసింది కనుక దీనికి 'ఏబీసీ' జ్యూస్ అని పేరు. ఈ మూడింటినీ సమపాళ్లలో తీసుకొని ఒక గ్లాసు ప్రతిరోజూ ఉదయాన్నే తీసుకోవాలి.
- ఆపిల్‌లో పోషకాలు మెండు. ఫైబర్‌, యాంటీ ఆక్సిడెంట్లు ఎక్కువ మొత్తంలో ఉంటాయి. ఇవి గుండెజబ్బులు, కొన్నిరకాల క్యాన్సర్లనీ దరిచేరనీయవు.
- బీట్‌రూట్‌లో ఉండే గుణాలు డీటాక్సిఫై చేసి శరీరంలోని మలినాలను బయటకు పంపేస్తాయి. యాంటీ ఆక్సిడెంట్లు, యాంటీ ఇన్‌ఫ్లమేటరీ గుణాలు ఇన్ఫెక్షన్ల నుంచి దూరంగా ఉంచుతాయి.
- కెరొటినాయిడ్స్‌, విటమిన్లు, ఫైబర్‌.. క్యారెట్‌ ద్వారా అధిక మోతాదులో అందుతాయి. యాంటీ ఆక్సిడెంట్లూ, మినరల్స్‌.. శరీరం నుంచి టాక్సిన్లను బయటికి పంపడంలో సాయపడతాయి.