బేకింగ్​ సోడాతో అందం, ఆరోగ్యం మీ సొంతం

అందం కాపాడుకోవడం కోసం బోలెండంత డబ్బు ఖర్చు చేస్తున్నవారు కోకొల్లలు. అయితే.. పెద్ద ఖర్చేమీ లేకుండా చిన్నపాటి బ్యూటీ టిప్స్​తో అందాన్ని కాపాడుకోవచ్చు అంటున్నారు నిపుణులు. అందుకు బేకింగ్​ సోడా ఒక చక్కని రెమిడీ(Baking Soda Uses) అని చెప్తున్నారు.

బేకింగ్​ సోడా.. వంటింట్లో కనిపించే ఈ పదార్థం(Baking Soda Uses).. అందాన్ని కాపాడటం సహా ఆరోగ్యాన్ని మెరుగు పరుచుకునేందుకు సహాయ పడుతుందంటున్నారు ఆరోగ్య నిపుణులు. బేకింగ్​ సోడా (Baking Soda Uses) ప్రయోజనాల గురించి ఇంకా ఏం చెప్తున్నారంటే..

• గ్లాసు నీళ్లలో బేకింగ్​ సోడా వేసుకుని రోజు నోరు పుక్కిలిస్తే.. పంటికి ఉన్న టాటర్​ అనేది క్రమంగా తొలగిపోతుంది. అంతేకాదు నోటి దుర్వాసన కూడా పోతుంది. శరీరం నుంచి వచ్చే దుర్వాసనకు బేకింగ్​ సోడా వాడటం ద్వారా చెక్​ పెట్టొచ్చు.
• కిడ్నీలను ఆరోగ్యంగా ఉంచడంలో ఈ బేకింగ్​ సోడాలోని సోడియమ్​ బైకార్బొనేట్​ ఉపకరిస్తుంది.
• కిమోథెరపీ చికిత్సలో వాడే మందుల ఆమ్ల లక్షణాలను ఎదుర్కోవడానికి కూడా ఉపయోగపడుతుంది. తక్కువ ఆమ్లస్థాయి ట్యూమర్స్​ పెరగకుండా వ్యాప్తి చెందకుండా బేకింగ్​ సోడా నియంత్రించగలదు.
• దోమకుట్టిన ప్రాంతంలో దద్దుర్లు, దురద, ఎర్రదనం పోవాలంటే బేకింగ్​ సోడాతో రుద్దాలి. మూడు వంతుల బేకింగ్​ సోడాను ఒకవంతు నీటిలో కలిసి దోమకుట్టిన ప్రదేశంలో రాయాలి. 20 నిమిషాల తర్వాత కడిగేస్తే మంచి ఫలితం ఉంటుంది.
• నొప్పిని, మంటను తగ్గించే గుణం కూడా బేకింగ్​ సోడాకు ఉంది.
• ముఖంపై మచ్చలు ఉన్న వారు.. ముఖాన్ని బాగా కడిగి, మూడు వంతుల బేకింగ్​ సోడా, ఒక వంతు నీటితో చేసిన మిశ్రమాన్ని రాసుకుంటే ఆ సమస్యకు పరిష్కారం లభిస్తుంది.
• ముఖానికే కాదు కేశాలనూ కాపాడుతుంది బేకింగ్​ సోడా! మీ షాంపూలో టీ స్పూన్​ బేకింగ్​ సోడా వేసి వెంట్రుకలకు పట్టిస్తే.. ఇతర స్పేయర్లు, జెల్స్​, కండీషనర్లు చేయలేని అద్భుతాన్ని చేసి చూపిస్తుంది.

అయితే పిల్లలకు ఇది వాడే ముందు డాక్టర్లను సంప్రదించడం శ్రేయస్కరం అని సూచిస్తున్నారు ఆరోగ్య నిపుణులు.

ఇదీ చూడండి :ఎక్కువ సార్లు టీ తాగడం మంచిదేనా? గుండెపై ప్రభావం ఎంత?