కాఫీ గుండెకు మంచిదేననీ మోతాదు మించితేనే హానికరమనీ రకరకాల పరిశోధనలు ఇప్పటికే చాలా వచ్చాయి. అయితే ఆంగ్లియా రస్కిన్‌ విశ్వవిద్యాలయ నిపుణులు చేసిన పరిశీలనలో రోజుకి రెండుమూడు కప్పుల కాఫీ తాగిన మహిళల్లో పొట్ట దగ్గర కొవ్వు తక్కువగా ఉంటుందని తేలింది.
ఇందుకోసం వీళ్లు 20-44 సంవత్సరాల మధ్య మహిళల్ని ఎంపిక చేసుకుని కాఫీ తాగని వాళ్లతో పోలిస్తే రోజుకి రెండుమూడు కప్పుల కాఫీ తాగిన వాళ్లలో కొవ్వు కణజాలం తక్కువగా ఉన్నట్లు గుర్తించారు. అలాగే 45- 70 సంవత్సరాల మధ్య వయసు వాళ్లలో కూడా కాఫీ తాగే వాళ్లలో కొవ్వు తక్కువగా ఉందట.